ഇരിക്കൂര്: പെരുമണ്ണില് സ്കൂള് വിട്ട് വീട്ടിലേക്ക് മടങ്ങവെ ജീപ്പിടിച്ച് 10 പിഞ്ചു വിദ്യാര്ത്ഥികള് മരണപ്പെട്ട ദുരന്തത്തിന്റെ പത്താം വാര്ഷികമായ ഇന്നലെ സ്മൃതി മണ്ഡപത്തില് പുഷ്പാര്ച്ചനയും അനുസ്മരണ പരിപാടി സംഘടിപ്പിച്ചു. ഇരിക്കൂര് പെരുമണ്ണ് ശ്രീനാരായണ വിലാസം സ്കൂളില് നിന്ന് ക്ലാസ് കഴിഞ്ഞ് മടങ്ങുകയായിരുന്ന വിദ്യാര്ത്ഥികളാണ് അതിവേഗത്തില് നിയന്ത്രണം വിട്ടുവന്ന ജീപ്പിടിച്ച് മരിച്ചത്. അപകടത്തില് നിരവധി വിദ്യാര്ത്ഥികള്ക്കും പരിക്കേറ്റിരുന്നു.
പെരുമണ്ണ് ഗാന്ധി വിലാസം എല്പി സ്കൂളില് നടന്ന അനുസ്മരണ പരിപാടിയില്പി.പി.ദിവാകരന്, ആര്.രാജന്, കെ.വി.മനോഹരന്, പി.കെ.ഗണേഷ്മോഹന്, ദിലീപ് കുമാര്, സി.വി.രാമകൃഷ്ണന്, അബ്ദുള്ഖാദര്, എം.എം.മോഹനന്, ഇ.കെ.ശ്രീധരന് നമ്പ്യാര്, മടവൂര് അബ്ദുള്ഖാദര്, സന്തോഷ് മാസ്റ്റര്, പഞ്ചായത്ത് അംഗം പ്രസന്ന, സ്കൂളിലെ വിദ്യാര്ത്ഥികള്, നാട്ടുകാര് തുടങ്ങി രാഷ്ട്രീയ, സാമൂഹ്യ-സാംസ്ക്കാരിക രംഗത്തെ നിരവധി പേര് പങ്കെടുത്തു. കുരുന്നുകളുടെ ഓര്മ്മക്കായി വിദ്യാര്ത്ഥികളുടെ മൃതദേഹം സംസ്ക്കരിച്ച ഇരിക്കൂര് പെരുമണ്ണില് സ്മൃതി മണ്ഡപം നിര്മ്മിച്ചിരുന്നു.
പ്രതികരിക്കാൻ ഇവിടെ എഴുതുക: