പയ്യന്നൂര്: ബാങ്ക് അക്കൗണ്ടില് നിന്നും ഡോക്ടര് ദമ്പതികളുടെ പണം തട്ടിയെടുത്തുവെന്ന പരാതിയില് പയ്യന്നൂര് പോലീസ് ഊര്ജ്ജിതമാക്കി. പയ്യന്നൂര് ബികെഎം ആശുപത്രിയിലെ ഡോക്ടര് കേളോത്ത് താമസിക്കുന്ന ബി. വിനയകുമാറിന്റെ പരാതിയിലാണ് കേസ്. ഇന്ത്യന് ഓവര്സീസ് ബാങ്കില് ഡോക്ടര്മാരായ വിനയകുമാറിന്റെയും ഭാര്യയുടെയും പേരിലുള്ള ജോയിന്റ് അക്കൗണ്ടില് നിന്നും ഒരു ലക്ഷം രൂപ തട്ടിയെടുത്തുവെന്നാണ് പരാതി. കഴിഞ്ഞ മാസം 26 ന് രാവിലെ ഡോ: വിനയകുമാറിന്റെയും ഭാര്യയുടെയും ഫോണിലേക്ക് ഐഒബി ചെന്നൈ ഹെഡ് ഓഫീസില് നിന്നും വിളിക്കുകയാണെന്ന് പറഞ്ഞ് വിളിക്കുകയും ഒടിപി നമ്പര് ചോദിക്കുകയും ചെയ്തു. ഇതിനു ശേഷം വിനയകുമാറിന്റെ ഭാര്യ ഫോണില് വന്ന ലിങ്ക് ക്ലിക്ക് ചെയ്തപ്പോഴാണ് ജോയിന്റ് അക്കൗണ്ടില് നിന്നും 25,000 രൂപാ വീതം നാല് തവണകളായി പിന്വലിച്ചതായി മനസ്സിലായത്.
പ്രതികരിക്കാൻ ഇവിടെ എഴുതുക: