ആലപ്പുഴ: ശബരിമലയില് ഈ മാസം 23ന് യുവതികളെ കയറ്റുമെന്ന് ഫേസ്ബുക്ക് കൂട്ടായ്മ. ‘നവോത്ഥാന കേരളം ശബരിമലയിലേക്ക്’ എന്ന ഫേസ്ബുക്ക് കൂട്ടായ്മയാണ് ഇരുനൂറ് യുവതികളെ ശബരിമലയില് കയറ്റുമെന്ന് പ്രഖ്യാപിച്ചിട്ടുള്ളത്. ദുരൂഹതകള് നിറഞ്ഞതാണ് ഈ കൂട്ടായ്മയുടെ പ്രവര്ത്തനം. ഗ്രൂപ്പിന്റെ പിന്നില് പ്രവര്ത്തിക്കുന്നവരുടെ വിവരങ്ങള് രഹസ്യമാണ്.
തമിഴ്നാട്ടിലെ വനിതാ കൂട്ടായ്മയായ മനീതി എന്ന സംഘടനയുമായി സഹകരിച്ചാണ് പ്രവര്ത്തനമെന്നാണ് അവകാശപ്പെടുന്നത്. യുവതികളെ ശബരിമലയില് എത്തിക്കുന്നതിന് സാഹിത്യകാരി സാറാ ജോസഫ് ഉള്പ്പടെയുള്ളവരുടെ പിന്തുണയുണ്ടെന്ന് കഴിഞ്ഞ ദിവസം ഫേസ്ബുക്കില് പോസ്റ്റും ഇട്ടിരുന്നു. യുവതീപ്രവേശനത്തിന് അനുകൂലമായി സണ്ണി എം. കപിക്കാട്, രചനാ മോഷണത്തില് ആരോപണവിധേയരായ ശ്രീചിത്രന്, സുനില് പി. ഇളയിടം തുടങ്ങിയവരുടെ ലേഖനങ്ങളും പ്രസംഗങ്ങളുമാണ് ഫേസ്ബുക്ക് ഗ്രൂപ്പില് സ്ഥിരമായി പ്രത്യക്ഷപ്പെടുന്നത്.
തീവ്ര കമ്മ്യൂണിസ്റ്റുകളാണ് ഈ ഗ്രൂപ്പിന്റെ പിന്നണിയില് പ്രവര്ത്തിക്കുന്നത് എന്നാണ് വിവരം. രഹസ്യാന്വേഷണ വിഭാഗങ്ങള്ക്ക് വിവരങ്ങള് ചോര്ന്ന് ലഭിക്കാതിരിക്കാന് അംഗങ്ങള് തമ്മിലുള്ള ആശയവിനിമയം ടെലഗ്രാം മുഖേനയാണ്. ശബരിമലയെ വീണ്ടും കലാപഭൂമിയാക്കാനുള്ള ആസൂത്രിത നീക്കങ്ങള് ശക്തമായി നടക്കുന്നു എന്ന് വ്യക്തമാക്കുന്നതാണ് ഫേസ്ബുക്ക് ഗ്രൂപ്പിന്റെ പ്രവര്ത്തനം.
പ്രതികരിക്കാൻ ഇവിടെ എഴുതുക: