ന്യൂദല്ഹി : ദല്ഹിയില് അമിതവേഗതയില് ഡോക്ടര് ഓടിച്ചിരുന്ന കാര് ഇടിച്ച് ഒരു സ്ത്രീ കൊല്ലപ്പെട്ടു. രണ്ടു പേര്ക്ക് ഗുരുതരമായി പരിക്കേറ്റ് ചികിത്സയിലാണ്. ബുധനാഴ്ച സെന്ട്രല് ദല്ഹി റാണി ഝാന്സി റോഡിലെ ഫ്ളൈഓവറിലാണ് സംഭവം നടന്നത്.
സര് ഗംഗ രാം ആശുപത്രിയിലെ ജീവനക്കാരനായ അംബുജ് ഗാര്ഗിന്റെ വാഹനം ഇടിച്ചാണ് വാഴിയാത്രക്കാര് അപകടത്തില്പെട്ടത്. അപകടത്തിനുശേഷം അംബുജ് കാറുമായി സംഭവ സ്ഥലത്തു നിന്ന് കടന്നുകളയാനുള്ള ശ്രമത്തിലായിരുന്നു. തുടര്ന്ന് നാട്ടുകാര് ഇയാളെ തടയുകയായിരുന്നു.
ഷന്നോ ദേവി (50) എന്ന സ്ത്രീയാണ് കൊല്ലപ്പെട്ടതെന്ന് തിരിച്ചറിഞ്ഞിട്ടുണ്ട്. ക്രിപ ദേവി, ഗീത എന്നിവരാണ് പരിക്കേറ്റ് ചികിത്സയില് കഴിയുന്നവര്.
വിവരത്തെ തുടര്ന്ന് സ്ഥലതെത്തിയ പോലീസ് അംബുജിനെ കസ്റ്റഡിയില് എടുത്ത് കേസ് രജിസ്റ്റര് ചെയ്തു. അതേസമയം ഇയാള് മദ്യപിച്ചിരുന്നില്ലെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: