വാഷിങ്ടണ്: മുന് യുഎസ് പ്രസിഡന്റ് ബരാക് ഒബാമ കൊണ്ടുവന്ന ഒബാമ കെയര് ഭരണഘടനാ വിരുദ്ധമെന്ന് കോടതി. നിര്ധനരായവര്ക്ക് ആരോഗ്യ പരിരക്ഷ ഉറപ്പു വരുത്താന് ബരാക് ഒബാമ കൊണ്ടു വന്ന അഫോര്ഡബിള് കെയര് നിയമമാണ് (ഒബാമ കെയര്) ഭരണഘടനയ്ക്ക് എതിരാണെന്ന് ചൂണ്ടിക്കാട്ടി ടെക്സസ് ഫെഡറല് കോടതി ജഡ്ജി ഉത്തരവിട്ടത്.
2010 ലാണ് ഒബാമ ഈ നിയമം കൊണ്ടുവന്നത്. പിന്നീട് ട്രംപ് യുഎസ് പ്രസിന്റായുി അധികാരത്തിലേറിയെങ്കിലും നിയമം റദ്ദാക്കിയില്ല. എന്നാല് പിന്നീട് ബില് വന് നികുതിബാധ്യത ഉണ്ടാക്കുന്നതാണെന്നു ചൂണ്ടിക്കാട്ടി 20 സംസ്ഥാനങ്ങള് കോടതിയെ സമീപിക്കുകയായിരുന്നു. ഇതംഗീകരിച്ചാണ് കോടതിയുടടെ ഈ വിധി പ്രഖ്യാപനം.
അതേസമയം സുപ്രീംകോടതിയില് ഇതുസംബന്ധിച്ച് അപ്പീലിനു സാധ്യതയുള്ളതിനാല് നിയമം റദ്ദാക്കില്ലെന്ന് വൈറ്റ്ഹൗസ് വക്താവ് സാറാ സാണ്ടേഴ്സ് അറിയിച്ചു.
പ്രതികരിക്കാൻ ഇവിടെ എഴുതുക: