തിരുവനന്തപുരം: വനിതാ മതിലിനെതിരെ എന്എസ്എസ്. ശബരിമലയിലെ ആചാരങ്ങള് ഇല്ലാതാക്കാന് നീക്കമെന്ന് എന്എസ്എസ് ജനറല് സെക്രട്ടറി സുകുമാരന് നായര് പറഞ്ഞു. വനിതാ മതില് വിഭാഗീയത ഉണ്ടാക്കുമെന്ന് ജി സുകുമാരന് നായര് പറഞ്ഞു.
ശബരിമല വിഷയത്തില് മുഖ്യമന്ത്രിക്ക് ധാര്ഷ്ട്യമാണ്. ശബരിമലയില് യുവതീപ്രവേശനത്തിനുള്ള തന്ത്രമാണ് വനിതാ മതില്. ആചാരങ്ങളും അനുഷ്ഠാനങ്ങളും തകര്ക്കാനുള്ള ശ്രമം പരജായപ്പെട്ടപ്പോഴാണ് വനിതാമതില് എന്ന ഓമനപ്പേരില് പുതിയ പരിപാടിയുമായി വരുന്നതെന്ന് സുകുമാരന് നായര് പറഞ്ഞു.
വിശ്വാസമാണ് വലുതെന്ന് പറഞ്ഞ സുകുമാരന് നായര് വിശ്വാസികള് ഈ മാസം 26ന് നടക്കുന്ന അയ്യപ്പ ജ്യോതിയില് പങ്കെടുക്കുന്നതില് എതിര്പ്പില്ലെന്നും വിശദമാക്കി. അയ്യപ്പന്റെ പേരിലുള്ള പരിപാടിയില് വിശ്വാസികള് പങ്കെടുക്കാം. ആരുടെയും ചട്ടുകമാകാന് ഉദ്ദേശിക്കുന്നില്ലെന്നും ജി. സുകുമാരന് നായര് വ്യക്തമാക്കി. സര്ക്കാരില് നിന്നും എന്എസ്എസ് ഇതുവരെ ഒന്നും നേടിയിട്ടില്ല. യുഡിഎഫ് സര്ക്കാരിന്റെ തുടര്ച്ചയാണ് അവര് ചെയ്യുന്നത്.
സമദൂര നിലപാടില് നിന്നും പിന്മാറിയിട്ടില്ലെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: