ശ്രീകണ്ഠാപുരം: ട്രാഫിക് സിഗ്നലിന്റെ പ്രവര്ത്തനം നിലച്ചത് സെന്ട്രല് ജഗ്ഷനില് അപകടഭീഷണിയുയര്ത്തുന്നു. തളിപ്പറമ്പ്, ഇരിട്ടി, പയ്യാവൂര് ഭാഗങ്ങളിലേക്കുള്ള നൂറു കണക്കിന് വാഹനങ്ങള് കടന്നുപോകുന്ന റോഡില് സ്ഥാപിച്ച ട്രാഫിക് സിഗ്നല് പ്രവര്ത്തനരഹിതമായിട്ട് രണ്ട് ദിവസമായി. കെ.സി.ജോസഫ് എംഎല്എയുടെ പ്രാദേശിക വികസന ഫണ്ടില് നിന്നും അനുവദിച്ച 12 ലക്ഷം രൂപ ചെലവഴിച്ചാണ് ട്രാഫിക് സിഗ്നല് സ്ഥാപിച്ചത്. കെല്ട്രോണിനായിരുന്നു നിര്മ്മാണച്ചുമതല. സ്ഥാപിച്ച് ആഴ്ചകള്ക്കുള്ളില്ത്തന്നെ സിഗ്നല് സംവിധാനം തകരാറിലായെങ്കിലും ഏറെനാളത്തെ മുറവിളിക്ക് ശേഷം അറ്റകുറ്റപ്പണി നടത്തുകയായിരുന്നു. അടിയന്തിരമായും ട്രാഫിക് സിഗ്നല് പ്രവര്ത്തിപ്പിക്കാനുള്ള നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
പ്രതികരിക്കാൻ ഇവിടെ എഴുതുക: