ന്യൂദല്ഹി: ഇന്ത്യന് ക്രിക്കറ്റ് ടീം നായകന് വിരാട് കോഹ്ലിയെ പിന്തുണച്ച് ഓസ്ട്രേലിയന് ഇതിഹാസതാരം അലന് ബോര്ഡര്. ക്രിക്കറ്റിനാവശ്യം വിരാട് കോഹ്ലിയെ പോലെയുള്ള കരുത്തുറ്റ കളിക്കാരെയാണെന്ന് ബോര്ഡര് പറഞ്ഞു. പെര്ത്തില് വിരാട് കോഹ്ലിയുടെ പെരുമാറ്റം വിമര്ശനത്തിനിടയാക്കിയ സാഹചര്യത്തിലാണ് മുന് ഓസീസ് നായകന്റെ പിന്തുണ.
കോഹ്ലിയുടേത് പലപ്പോഴും അമിതാവേശമാണെന്ന് തോന്നാം. പക്ഷെ അത് നല്ലതാണ്. ഇതുപോലുള്ള താരങ്ങള് സമകാലീന ക്രിക്കറ്റില് അധികമില്ലെന്നും ബോര്ഡര് പറഞ്ഞു. പ്രൊഫഷണല് ക്രിക്കറ്റര്മാരുടെ കാലത്ത് കളിയെ ഇത്രമാത്രം ആവേശത്തോടെ ഉള്ക്കൊള്ളുന്ന താരങ്ങളും വേണം. ഇന്ത്യന് ടീമിനെ ടെസ്റ്റ് റാങ്കിങ്ങില് ഒന്നാം സ്ഥാനത്തെത്തിക്കുന്നതില് കോഹ്ലി വിജയിച്ചു. എന്നാല് ഒരു ക്യാപ്റ്റനെന്ന നിലയില് വിദേശത്ത് നേടിയ വിജയങ്ങളാണ് എപ്പോഴും മികവിന്റെ അളവുകോലാകുകയെന്നും ബോര്ഡര് പറഞ്ഞു.
നേരത്തെ പെര്ത്തില് മത്സരശേഷം കോഹ്ലി, ഓസീസ് നായകന് ഹസ്തദാനം നല്കിയ രീതിയും വലിയ വിമര്ശനങ്ങള്ക്ക് ഇടയാക്കിയിരുന്നു. ഇതിനെതിരെ മുന് ഓസ്ട്രേലിയന് ഫാസ്റ്റ് ബോളര് മിച്ചല് ജോന്സണ് രംഗത്തെത്തിയിരുന്നു. മത്സരത്തിനായി കോഹ്ലി തെരഞ്ഞെടുക്കുന്ന ടീമിനെതിരെ നേരത്തെ മുന് ഇന്ത്യന് താരം ഗവാസ്കറും രംഗത്തെത്തിയിരുന്നു. ലോകത്തിലെ മികച്ച ബാറ്റ്സമാനും ലോകത്തിലെ മോശപ്പെട്ട സ്വഭാവമുള്ള കളിക്കാരനുമെന്നാണ് ബോളിവുഡ് താരം നസീറുദീന് ഷാ കോഹ്ലിയെ വിശേഷിപ്പിച്ചത്. പരമ്പരയില് ഇനി രണ്ടു ടെസ്റ്റാണുള്ളത്.
പ്രതികരിക്കാൻ ഇവിടെ എഴുതുക: