തിരുവനന്തപുരം: ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന് സെക്രട്ടേറിയറ്റിന് മുന്നില് ആരംഭിച്ച നിരാഹാര സമരം ഇന്ന് മൂന്നാം ദിവസത്തിലേക്ക്. ശബരിമലയിലെ നിരോധനാജ്ഞയും നിയന്ത്രണങ്ങളും പിന്വലിക്കുക, അയ്യപ്പഭക്തര്ക്ക് അടിസ്ഥാന സൗകര്യങ്ങള് ഏര്പ്പെടുത്തുക, അയ്യപ്പഭക്തര്ക്കെതിരെയുള്ള കള്ളക്കേസുകള് പിന്വലിക്കുക, ശബരിമലയില് അയ്യപ്പവേട്ട നടത്തിയ പോലീസ് ഉദ്യോഗസ്ഥര്ക്കെതിരെ നടപടി സ്വീകരിക്കുക തുടങ്ങിയ ആവശ്യങ്ങള് ഉന്നയിച്ചാണ് നിരാഹാര സമരം.
ആരോഗ്യനില മോശമായതിനെ തുടര്ന്ന് സംസ്ഥാന ജനറല് സെക്രട്ടറി എ.എന്. രാധാക്യഷ്ണനെയും, മുന് സംസ്ഥാന അധ്യക്ഷന് സി.കെ. പത്മനാഭനെയും അറസ്റ്റ് ചെയ്തതിനെ തുടര്ന്നാണ് ശോഭാ സുരേന്ദ്രന് നിരാഹാരം ആരംഭിച്ചത്.
പതിനെട്ടാം ദിവസമായ ഇന്നലെ നിരാഹാര സമരം ഒ. രാജഗോപാല് എംഎല്എ ഉദ്ഘാടനം ചെയ്തു. എസ്സി മോര്ച്ച സംസ്ഥാന അധ്യക്ഷന് അഡ്വ.പി. സുധീര് അധ്യക്ഷത വഹിച്ചു. ബിജെപി സംസ്ഥാന സമിതിയംഗം രാജസേനന്, സിനിമാ സീരിയല് നടന് കൃഷ്ണകുമാര്, സംസ്ഥാന ഉപാധ്യക്ഷന് ഡോ.പി.പി വാവ, രേണു സുരേഷ്, വി.കെ. സജീവന്, ഷാജുമോന് വട്ടേക്കാട്, അഡ്വ.എസ്. സുരേഷ്, കെ. മോഹന്ദാസ് തുടങ്ങി വിവിധ എന്ഡിഎ നേതാക്കള് സമരപ്പന്തല് സന്ദര്ശിച്ചു.
പ്രതികരിക്കാൻ ഇവിടെ എഴുതുക: