തിരുവനന്തപുരം: ബിജെപിയും, ബിജെപി വിരുദ്ധരും തമ്മിലുള്ള പോരാട്ടമായിരിക്കും ലോക്സഭാ തെരഞ്ഞെടുപ്പെന്ന് ബിജെപി വക്താവ് അഡ്വ.ബി. ഗോപാലക്യഷ്ണന്. ജനുവരി ആറിന് പ്രധാനമന്ത്രി നരേന്ദ്ര മോദി പത്തനംതിട്ടയില് ലോക്സഭാ തെരഞ്ഞെടുപ്പിന്റെ പ്രചാരണം ഉദ്ഘാടനം ചെയ്യും. ജനുവരി 27ന് തൃശൂരില് നടക്കുന്ന യുവമോര്ച്ചയുടെ സംസ്ഥാന സമ്മേളനത്തില് യുവജനതയെയും പ്രധാനമന്ത്രി അഭിസംബോധന ചെയ്യും.
ഡിസംബര് 31ന് പാലക്കാട്ട് ആറ് പാര്ലമെന്റ് നിയോജകമണ്ഡലങ്ങളിലെ ഇന്ചാര്ജ്ജുമാരുടെയും തെരഞ്ഞെടുക്കപ്പെടുന്ന പ്രതിനിധികളുടേയും യോഗത്തില് ബിജെപി ദേശീയ അധ്യക്ഷന് അമിത്ഷാ പങ്കെടുക്കും. അടല്ജിയുടെ ജന്മദിനമായ ഈ മാസം 25ന് ബിജെപി സത്ഭരണ ദിനമായി ആചരിക്കും. 30ന് കേരളത്തിലെ 140 നിയോജകമണ്ഡലങ്ങളിലും അയ്യപ്പസദസ്സ് സംഘടിപ്പിയ്ക്കും. ജനുവരി ഒന്ന് മുതല് 15 വരെ കേരളത്തിലെ മുഴുവന് പഞ്ചായത്തുകളിലും ശബരിമലയെ തകര്ക്കാന് ശ്രമിക്കുന്ന ഗൂഢശക്തികള്ക്കെതിരെ പദയാത്ര നടത്തുമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: