ശ്രീനഗര്: ജമ്മു കശ്മീരിലെ പുല്വാമയില് സുരക്ഷാസേനയുമായുണ്ടായ ഏറ്റുമുട്ടലില് ആറ് ഭീകരര് കൊല്ലപ്പെട്ടു. അരാംപോര ഗ്രാമത്തിലെ അവന്തിപോര മേഖലയില് ഭീകരര് ഇവിടെ ഒളിച്ചിരിക്കുന്നതായി രഹസ്യവിവരത്തെ തുടര്ന്ന് സുരക്ഷാ സൈന്യം തെരച്ചില് നടത്തുന്നതിനിടെ ഭീകരര് ഇവര്ക്കുനേരെ വെടിയുതിര്ക്കുകയായിരുന്നു. തുടര്ന്ന് സൈന്യം തിരിച്ചടിക്കുകയായിരുന്നു.
അതേസമയം ഏറ്റുമുട്ടലില് കൊല്ലപ്പെട്ടതില് ഒരാള് കുപ്രസിദ്ധ ഭീകരന് സക്കീര് മൂസയുടെ അടുത്ത അനുയായിയാണ്. പ്രദേശത്ത് ഇനിയും ഭീകര സാന്നിധ്യം ഉണ്ടോയെന്ന് സുരക്ഷാ സൈന്യം തെരച്ചില് നടത്തി വരികയാണ്. കൊല്ലപ്പെട്ട ഭീകരരില് നിന്ന് നിരവധി മാരാകായുധങ്ങളും മറ്റും പിടിച്ചെടുത്തിട്ടുണ്ട്.
കശ്മീര് താഴ്വര കേന്ദ്രീകരിച്ച് പ്രവര്ത്തിക്കുന്ന അല്ഖ്വയ്ദയുമായി ബന്ധമുള്ള അന്സാര് ഖസ്വാത് ഉല് ഹിന്ദ് എന്ന ഭീകര സംഘടനയുടെ മുഖ്യ ആസൂത്രികനാണ് സക്കീര് മൂസ. ജമ്മുകശ്മീരിലെ നോട്ടപ്പുള്ളി കൂടിയാണ് ഇയാള്.
പ്രതികരിക്കാൻ ഇവിടെ എഴുതുക: