കട്ടപ്പന: ബിജെപിയില് നിന്ന് നേതാക്കള് കൊഴിഞ്ഞുപോകുന്നതായി സിപിഎം സൈബര് പോരാളികളുടെ നേതൃത്വത്തില് ഫേസ്ബുക്കില് വ്യാജപ്രചരണം. ബിജെപി ഇടുക്കി പാര്ലമെന്റ് മണ്ഡലം ഐടി സെല് കണ്വീനറും കട്ടപ്പന മാട്ടുക്കട്ട സ്വദേശിയുമായ സജിന് കെ.നായര്ക്കെതിരെയാണ് വ്യാജപ്രചരണം നടക്കുന്നത്. പ്രീതാ വത്സന്, കബീര്മുഹമ്മദ് തുടങ്ങിയ വിലാസങ്ങളില് നിന്നും പോരാളി ഷാജി, ചുവന്ന ഗ്രാമം കുന്നോത്തുപറമ്പ് തുടങ്ങിയ ഗ്രൂപ്പുകളിലുമാണ് ഇത് വ്യാപകമായി ഷെയര് ചെയ്യുന്നത്.
സിപിഎമ്മിന്റെ പ്രാദേശിക നേതാക്കളടക്കം ഇത് ഷെയര് ചെയ്തിട്ടുണ്ട്. വലിയ രീതിയില് ഷെയര് ലഭിച്ചതോടെ ഇതേക്കുറിച്ച് അന്വേഷിക്കുന്നതിനായി നിരവധി പേര് ദിവസവും വിളിക്കുന്നതായി സജിന് പറയുന്നു. ബിജെപിയുടെ നയങ്ങൡ പ്രതിഷേധിച്ച് നേതാക്കള് സിപിഎമ്മിലേക്ക് എത്തുന്നെന്ന തരത്തിലാണ് പോസ്റ്റുകള്. മുമ്പും ജില്ലയിലെ ചില നേതാക്കള്ക്കെതിരെ ഇത്തരം പ്രചരണങ്ങള് നടന്നിരുന്നു.
കാല് നൂറ്റാണ്ടിലധികമായി ആര്എസ്എസുമായി ചേര്ന്ന് പ്രവര്ത്തിക്കുന്ന സജിന് സിപിഎമ്മിന്റെ നയങ്ങളെ കര്ശനമായി വിമര്ശിച്ച് ഫേസ്ബുക്കില് പോസ്റ്റിടാറുണ്ട്. ഇതില് വിറളിപൂണ്ടവരാണ് സംഭവത്തിന് പിന്നിലെന്നാണ് പരാതി. പോസ്റ്റുകള് നീക്കണമെന്നാവശ്യപ്പെട്ട് കട്ടപ്പന ഡിവൈഎസ്പിക്ക് പരാതി നല്കാന് ഒരുങ്ങുകയാണ് സജിന്.
പ്രതികരിക്കാൻ ഇവിടെ എഴുതുക: