മഞ്ചേശ്വരം : ശബരിമല വിഷയത്തില് ബിജെപി സെക്രട്ടറിയേറ്റിനു മുന്നില് നടത്തുന്ന നിരാഹാര സമരപ്പന്തല് സന്ദര്ശിച്ചതിന് മുസ്ലിം ലീഗ് നേതാവിനെ പുറത്താക്കി. മൂന്നാം വാര്ഡിലെ ലീഗ് പ്രസിഡന്റ് മുഹമ്മദ് ഹാജിയെയാണ് പുറത്താക്കിയത്.
ലീഗ് സംഘടിപ്പിച്ച യുവജനയാത്ര തിരുവനന്തപുരത്ത് സമാപിക്കുന്ന അന്ന് നിരാഹാര സമരം നടത്തുന്ന ശോഭ സുരേന്ദ്രനെ സന്ദര്ശിച്ചതിനാണ് ഹാജിയെ പുറത്താക്കിക്കൊണ്ട് ഉത്തരവിറക്കിയത്. പഞ്ചായത്ത് മുസ്ലിം കമ്മിറ്റിയുടേതാണ് ഈ തീരുമാനം.
മഞ്ചേശ്വരം മണ്ഡലത്തിലെ ലീഗ് ശക്തികേന്ദ്രമായ മംഗല്പാടി പഞ്ചായത്തില് നിന്നുള്ള ബി.കെ. യൂസഫ് മുഹമ്മദ് അഞ്ചിക്കട്ട എന്നിവരും ബിജെപി സമരപ്പന്തല് സന്ദര്ശിച്ചിരുന്നു. സമൂഹ മാധ്യമങ്ങളില് ഇത് വാര്ത്തയായതോടെ ലീഗ് നേതൃത്വത്തെ വിമര്ശിച്ച് അണികളില് നിന്നും പ്രതിഷേധം ഉയര്ന്നതാണ് പുറത്താക്കാന് കാരണം.
സമരപ്പന്തലില് സന്ദര്ശനം നടത്തിയതിനെ തുടര്ന്ന് വാര്ഡ് കമ്മിറ്റിയുടെ അടിയന്തിര യോഗം വിളിച്ചു ചേര്ക്കുകയും തുടര്ന്ന് ഇയാളെ പുറത്താക്കാന് തീരുമാനിക്കുകയായിരുന്നു. പഞ്ചായത്ത് മുസ്ലിം ലീഗ് കമ്മിറ്റിയാണ് ഈ തീരുമാനം എടുത്തത്. തുടര്ന്ന് പുതിയ ആക്ടിങ് പ്രസിഡന്റായി സീനിയര് വൈസ് പ്രസിഡന്റ് യു.കെ. ഇബ്രാഹിം ഹാജിയെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: