പത്തനംതിട്ട : ശബരിമലയിലേക്കെത്തിയ രണ്ട് യുവതികള് പ്രതിഷേധത്തെ ഭയന്ന് നിലയ്ക്കലില് യാത്ര അവസാനിപ്പിച്ച് മടങ്ങി. തെലങ്കാന സ്വദേശികളായ രണ്ട് യുവതികളാണ് പ്രതിഷേധം ഉണ്ടാകുമെന്ന ഭയത്താല് തിരിച്ചുപോയത്.
മറ്റ് തീര്ത്ഥാടകര്ക്കൊപ്പം കെഎസ്ആര്ടിസി ബസ്സിലാണ് ഇരുവരും എത്തിയത്. മകരവിളക്ക് ഉത്സവത്തിന് ഭക്തജനത്തിരക്ക് ഉണ്ടാകുമെന്നും. ശബരിമല കയറാനുള്ള ശ്രമം വന് പ്രതിഷേധങ്ങള്ക്ക് വഴിവെയ്ക്കുമെന്നും പോലീസ് മുന്നറിയിപ്പ് നല്കിയതിനെ തുടര്ന്നാണ് ഇരുവരും പിന്വാങ്ങിയത്.
കെഎസ്ആര്ടിസി ബസില് തീര്ത്ഥാടകര്ക്കൊപ്പം യുവതികളും എത്തുന്നതായി സന്ദേശം ലഭിച്ചതിന്റെ അടിസ്ഥാനത്തില് പോലീസ് നടത്തിയ തെരച്ചിലിലാണ് ഇവരെ കണ്ടെത്തിയത്. തുടര്ന്ന് ഇവരെ കണ്ട്രോള് റൂമിലെത്തിച്ച് പോലീസ് നേരത്തെയുണ്ടായ സംഭവങ്ങളെ കുറിച്ച് ധരിപ്പിച്ചതോടെ ഇരുവരും ശബരിമല കയറുന്നതില് നിന്ന് പിന്മാറുകയാണെന്ന് അറിയിക്കുകയായിരുന്നു. അതേസമയം ഇരുവരും പമ്പവരെ പോകാന് മാത്രമാണ് എത്തിയതെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: