ന്യൂദല്ഹി: ടിവിയുടെ പേരിലുള്ള അമിത ചെലവ് ഒഴിവാക്കാന് വഴിയൊരുങ്ങുന്നു. പുതിയ സംവിധാനപ്രകാരം ഇനി ഉപയോഗിക്കുന്ന ചാനലിനു മാത്രം പണം നല്കിയാല് മതിയാകും. ടെലികോം റെഗുലേറ്ററി അതോറിറ്റിയുടെ പരിഷ്ക്കാരം ഫെബ്രുവരി ഒന്നു മുതലാണ് നിലവില് വരിക. ജനുവരി 31 ആണ് സമയപരിധി നിശ്ചയിച്ചിരുന്നതെങ്കിലും കേബിള് ടിവി ഓപ്പറേറ്റര്മാരുടെ അഭ്യര്ഥന പ്രകാരം സമയം നീട്ടി നല്കുകയായിരുന്നു.
–ഇനി നിര്ദിഷ്ട എണ്ണം ചാനലുകളുള്ള പാക്കേജിനും ബൊക്കെയ്ക്കും മുഴുവനായി നാം പണം നല്േകണ്ട. പലപ്പോഴും നമുക്ക് വേണ്ടാത്ത ചാനലുകളും എടുക്കേണ്ടിവന്നിരുന്നു.
-നമുക്കു വേണ്ട ചാനലുകള് മാത്രം തെരഞ്ഞെടുക്കാം. അതിനുള്ള പണം മാത്രം അടച്ചാല് മതി.
-പാക്കേജുകളും ബൊക്കെകളും ഉണ്ടെങ്കലും വേണ്ടവയ്ക്കു മാത്രം പണം നല്കിയാല് മതി. മുഴുവന് പാക്കേജും വാങ്ങേണ്ടതില്ല
-ഒരു ചാനലിന്റെ പരമാവധി നിരക്ക് വെറും 19 രൂപ.
-ചാനല് ഓപ്പറേറ്റര്മാര് നിര്ദേശിച്ചതിനേക്കാള് വളരെ കുറഞ്ഞ നിരക്കാണ് ട്രായ് ഏര്പ്പെടുത്തിയിരിക്കുന്നത്.
-ഇതുവരെ 60 രൂപ മുതലാണ് ഒരു പാക്കേജിന് ഈടാക്കിയിരുന്നത്.
-ചാനലുകള് തിരഞ്ഞെടുക്കാന് ഉപഭോക്താക്കള്ക്ക് സുതാര്യമായ വ്യവസ്ഥകള് ഏര്പ്പെടുത്താന് നിര്ദേശം നല്കിയിട്ടുള്ളതായി ട്രായ് ചെയര്മാന് എസ്.കെ. ഗുപ്ത പറഞ്ഞു.
-പരാതി പരിഹരിക്കാന് നോഡല് ഓഫീസര്മാര്
-ആപ്പ്, വെബ്സൈറ്റ് എന്നിവയോ കോള് സെന്ററുകള് വഴിയോ ഉപഭോക്താക്കള്ക്ക് ചാനലുകള് തിരഞ്ഞെടുക്കാം.
പ്രതികരിക്കാൻ ഇവിടെ എഴുതുക: