അര്‍ഹതയുള്ളത് സ്വീകാര്യം

Tuesday 8 January 2019 2:37 am IST

അര്‍ഹതപ്പെട്ടവന്റെ പക്കലേ അമൂല്യമായതെന്തും അകപ്പെടാവൂ. അനര്‍ഹനെങ്കില്‍ എത്രയധികം മൂല്യമുള്ള വസ്തു കൈയിലുണ്ടായാലും ദുരുപയോഗം ചെയ്യുമെന്നറിയണം. വിദ്യയോ, ഭോജനമോ, അതിസുന്ദരിയായ സ്ത്രീയോ എന്തുമാകട്ടെ, ശരിയായ കൈകളിലല്ല ചെന്നെത്തുന്നതെങ്കില്‍ ഗുണം ചെയ്യില്ലെന്നുറപ്പ്. 

അഭ്യാസമില്ലാത്തവന് വിദ്യ വിഷമാകുന്നു. പഠിച്ച വിദ്യ കൃത്യമായി അഭ്യസിക്കാത്തവന്റെ പക്കലാണുള്ളതെങ്കില്‍ വിദ്വാനോ അന്യര്‍ക്കോ അതു പ്രയോജനം ചെയ്യില്ല.

അജീര്‍ണമുള്ളവന് ഭോജനം വിഷമാകുന്നു. ഉണ്ണാന്‍ കഴിയാത്തവന് അന്നം കൊടുത്തിട്ടെന്തുകാര്യം?ദരിദ്രന് സഭയും വൃദ്ധന് യൗവനയുക്തയായ സ്ത്രീയും വിഷം എന്നറിയണം. അര്‍ഹതയില്ലാത്തവ വിഷമെന്നതിനെക്കുറിച്ച് നീതിസാരം പറയുന്നതിങ്ങനെ: 

അനഭ്യാസേവിഷം വിദ്യ 

അജീര്‍ണോ ഭോജനം വിഷം

വിഷം സഭാദരിദ്രസ്യ 

വൃദ്ധസ്യ തരുണീവിഷം

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.