വാസ്കോ ഗോവ: ഐ ലീഗില് ഗോകുലം കേരള എഫ് സി ഇന്ന് ചര്ച്ചില് ബ്രദേഴ്സ് ഗോവയെ നേരിടും. വാസ്കോ ഗോവയിലെ തിലക് മൈതാന് സ്റ്റേഡിയത്തില് വൈകിട്ട് അഞ്ചിന് കളി തുടങ്ങും.
ഈ സീസണില് മോശം ഫോം തുടരുന്ന ഗോകുലം എഫ്സി പോയിന്റ് നിലയില് എട്ടാം സ്ഥാനത്താണ്. പതിനൊന്ന് മത്സരങ്ങളില് അവര്ക്ക് പത്ത് പോയിന്റാണുള്ളത്. അവസാന മത്സരത്തില് അവര് രണ്ടിനെതിരെ മൂന്ന് ഗോളുകള്ക്ക് ചെന്നൈ സിറ്റിയോട് തോറ്റു.
നേരത്തെ ഈസ്്റ്റ് ബംഗാള്, ഇന്ത്യന് ആരോസ്, ഐസ്വാള് എഫ്.സി ടീമുകളോട് തോറ്റു. ഡിസംബറിലെ നാല് മത്സരങ്ങളില് അവര്ക്ക് ഒരു പോയിന്റാണ് നേടാനായത്.
അന്റോണിയോ ജര്മന് ടീം വിട്ടതോടെ ഗോകുലം തകരുകയാണ്. സസ്പെന്ഷനുശേഷം അര്ജന്റീനിയന് പ്രതിരോധനിരക്കാരന് ഫാബ്രിസിയോ ഓര്ടിസ് തിരിച്ചെത്തുന്നത് ഗോകുലത്തിന് പ്രതീക്ഷ നല്കുന്നു.
ചര്ച്ചില് ബ്രദേഴ്സ് മികച്ച ഫോമിലാണ്. പതിനൊന്ന് മത്സരങ്ങളില് പത്തൊന്പത് പോയിന്റുള്ള അവര് രണ്ടാം സ്ഥാനത്താണ്. ഇന്ന് വിജയം നേടിയാല് അവര്ക്ക് പോയിന്റ്നിലയില് ഒന്നാം സ്ഥാനത്തെത്താനാകും. അവസാന രണ്ട് മത്സരങ്ങളിലും വിജയം നേടിയ അവര് ആത്മവിശ്വാസത്തോടെയാണ് കളിക്കളത്തിലിറങ്ങുക.
പ്രതികരിക്കാൻ ഇവിടെ എഴുതുക: