തിരുവനന്തപുരം: പ്രധാനമന്ത്രി നരേന്ദ്ര മോദി ഈ മാസം 15 ന് വൈകിട്ട് 7 മണിക്കും 9 മണിക്കും ഇടയ്ക്ക് ശ്രീ പത്മനാഭ സ്വാമി ക്ഷേത്രത്തില് ദര്ശനം നടത്തും. ക്ഷേത്രത്തിലും പരിസരത്തും ടൂറിസം മന്ത്രാലയം ആവിഷ്കരിച്ച സ്വദേശ് ദര്ശന് പദ്ധതി വഴി പൂര്ത്തീകരിച്ച നിര്മാണ പ്രവര്ത്തനങ്ങളുടെ ഉദ്ഘാടനവും പ്രധാനമന്ത്രി നിര്വഹിക്കുമെന്ന് കേന്ദ്ര ടൂറിസം സഹമന്ത്രി അല്ഫോന്സ് കണ്ണന്താനം അറിയിച്ചു.
പൈതൃക കാല്നടപ്പാതയുടെ നിര്മാണം, പത്മതീര്ത്ഥക്കുളത്തിന്റെ നവീകരണം, വൈദ്യുതീകരണം, ബയോ ടോയ്ലെറ്റുകള്, കുളിമുറികള്, ഉള്പ്പെടെയുള്ള നിര്മാണപ്രവര്ത്തനങ്ങങ്ങള്, ഡിജിറ്റല് മ്യൂസിയത്തിനുള്ള സോഫ്റ്റ് വെയറുകള് തുടങ്ങിയവയുടെ സജ്ജീകരണവുമാണ് 90 കോടി രൂപ ചിലവഴിച്ചു നടപ്പിലാക്കിയിരിക്കുന്നത്.
ഉദ്ഘാടന ചടങ്ങില് ഗവര്ണര് ജസ്റ്റിസ് പി.സദാശിവം, മുഖ്യമന്ത്രി പിണറായി വിജയന്, കേന്ദ്ര ടൂറിസം സഹമന്ത്രി അല്ഫോന്സ് കണ്ണന്താനം, കേന്ദ്ര ടൂറിസം സെക്രട്ടറി യോഗേന്ദ്ര ത്രിപാഠി തുടങ്ങിയവര് പങ്കെടുക്കും.
പ്രതികരിക്കാൻ ഇവിടെ എഴുതുക: