കോട്ടയം: ഭാഗവതഹംസം മള്ളിയൂര് ശങ്കരന് നമ്പൂതിരിയുടെ 98-ാം ജയന്തി ആഘോഷങ്ങളോടനുബന്ധിച്ച് 23 മുതല് ഫെബ്രുവരി രണ്ട് വരെ ഭാഗവതാമൃത സത്രം നടക്കും. ഫെബ്രുവരി 2ന് ആണ് മള്ളിയൂര് ജയന്തി. ഭാഗവത പഠനശിബിരം, പ്രഭാഷണ സായാഹ്നങ്ങള്, സാംസ്കാരിക സംഗമം, കലാസന്ധ്യകള് തുടങ്ങിയ വിവിധ പരിപാടികള് ഉണ്ടാകും. സത്രത്തിന്റെ മുഖ്യയജ്ഞാചര്യന് മള്ളിയൂര് പരമേശ്വരന് നമ്പൂതിരിയാണ്.
23ന് വൈകിട്ട് 4ന് സത്രത്തിന്റെ ഉദ്ഘാടനത്തിന് ശബരിമല തന്ത്രി കണ്ഠര് രാജീവര്, ഗുരുവായൂര് തന്ത്രി ചേന്നാസ് ദിനേശന് നമ്പൂതിരിപ്പാട്, വെണ്മണി കൃഷ്ണന് നമ്പൂതിരിപ്പാട്, നൊച്ചൂര് വെങ്കിട്ടരാമന്, മനയത്താറ്റില്ലത്ത് ആര്യന് നമ്പൂതിരി, മൂര്ക്കുന്നൂര് ശ്രീഹരി നമ്പൂതിരി എന്നിവര് പങ്കെടുക്കും. 26ന് വൈകിട്ട് 6ന് ലക്ഷദ്ദീപത്തിന്റെ പ്രോജ്വലനം ചക്കുളത്തുകാവ് മുഖ്യകാര്യദര്ശി രാധാകൃഷ്ണന് നമ്പൂതിരി നിര്വഹിക്കും.
23ന് രാത്രി 7.30ന് ശോഭനയുടെ ഭരതനാട്യം, 24ന് 7.30ന് അഭിഷേക് രഘുറാം ചെന്നൈയുടെ സംഗീതസദസ്സ്, 25ന് വൈകിട്ട് 6.30ന് കഥകളി, 26ന് 7.30ന് കെ.ജി. ജയന്റെ സംഗീതസദസ്സ്, 27ന് വൈകിട്ട് 7.30ന് സംഗീതക്കച്ചേരി- എല്.സുബ്രഹ്മണ്യന്, കവിത കൃഷ്ണമൂര്ത്തി.
ചന്ദ്രമന ഗോവിന്ദന് നമ്പൂതിരി, പി.കെ. വ്യാസന്, മുല്ലമംഗലം ത്രിവിക്രമന് നമ്പൂതിരി, വിദ്യാസാഗര് ഗുരുമൂര്ത്തി, ശിവം ശുക്ലമഹരാജ് (ഉത്തര്പ്രദേശ്), എന്.അജിതന് നമ്പൂതിരി, ഒറവങ്കര അച്യുതന് നമ്പൂതിരി തുടങ്ങിയവര് വിവിധ ദിവസങ്ങളില് പ്രഭാഷണം നടത്തും.
പ്രതികരിക്കാൻ ഇവിടെ എഴുതുക: