സിഡ്നി: ഇന്ത്യക്കായി ഏകദിനത്തില് പതിനായിരം റണ്സ് പിന്നിട്ട് മുന് ഇന്ത്യന് നായകന് എം.എസ്. ധോണി. ഏകദിനത്തില് പതിനായിരം റണ്സ് ക്ലബ്ബിലെത്തുന്ന അഞ്ചാമത്തെ ഇന്ത്യന് താരമാണ് ധോണി. നേരത്തെ ഇതിഹാസ താരം സച്ചിന് ടെണ്ടുല്ക്കര്, സൗരവ് ഗാംഗുലി, രാഹുല് ദ്രാവിഡ്, വിരാട് കോഹ്ലി എന്നിവര് ഈ നേട്ടത്തിലെത്തിയിട്ടുണ്ട്.
സച്ചിന് 18,426 റണ്സുമായി ഒന്നാമതും 11,221 റണ്സുമായി ഗാംഗുലി രണ്ടാം സ്ഥാനത്തും 10,768 റണ്സുമായി ദ്രാവിഡ് മൂന്നാം സ്ഥാനത്തുമാണുള്ളത്. 10,232 റണ്സുമായി കോഹ്ലി നാലാം സ്ഥാനത്തുമുണ്ട്. ഓസീസിനെതിരായ മത്സരത്തിനുമുമ്പ് ധോണിക്ക് പതിനായിരത്തിലേക്കെത്താന് ഒരു റണ്സ് മാത്രമായിരുന്നു വേണ്ടിയിരുന്നത്. മത്സരത്തില് ധോണി 51 റണ്സുമായി മികച്ച പ്രകടനമാണ് നടത്തിയത്.
കഴിഞ്ഞ വര്ഷം ജൂലൈയില് താരം പതിനായിരം റണ്സ് പിന്നിട്ടിരുന്നെങ്കിലും ഏഷ്യന് ഇലവനിലടക്കം കളിച്ചിട്ടുള്ളതിനാല് ഇത് കണക്കിലെടുക്കാതിരിക്കുകയായിരുന്നു. ഏഷ്യന് ഇലവനായി മൂന്ന് കളികളില് നിന്ന് ധോണി 174 റണ്സ് അടിച്ചിട്ടുണ്ട്. ഏകദിനത്തില് പതിനായിരം റണ്സ് പിന്നിടുന്ന രണ്ടാമത്തെ വിക്കറ്റ് കീപ്പര് ബാറ്റ്സ്മാന്കൂടിയാണ് ധോണി. ശ്രീലങ്കന് മുന് നായകന് കുമാര് സംഗക്കാരയാണ് ഇതിനുമുമ്പ് പതിനായിരം റണ്സ് പിന്നിട്ടിട്ടുള്ള വിക്കറ്റ് കീപ്പര് ബാറ്റ്സ്മാന്.
പ്രതികരിക്കാൻ ഇവിടെ എഴുതുക: