കൊച്ചി: പരിഹസിച്ചവര്ക്ക് ചുട്ട മറുപടിയുമായി സന്തോഷ് പണ്ഡിറ്റ്. ശബരിമല കര്മ്മസിമിതിയുടെ ശതം സമര്പ്പയാമി ചലഞ്ചില് 51,000 രൂപ സന്തോഷ് നല്കിയിയിരുന്നു, ഇതിനെ തുടര്ന്ന് സോഷ്യല് മീഡിയയിലൂടെ തനിക്ക് കടുത്ത വിമര്ശമാണ് ഏല്ക്കേണ്ടി വന്നതെന്നും, തന്നെ വിമര്ശിച്ചവര്ക്കുള്ള മറുപടിയെന്നോണം ഇപ്പോള് വീണ്ടും ഒരു ലക്ഷം രൂപ കൂടി ശതം സമര്പ്പയാമിക്ക് നല്കുകയാണെന്ന് സന്തോഷ് പണ്ഡിറ്റ് ഫേസ്ബുക്കിലൂടെ അറിയിച്ചു.
‘ഇത് എന്റെ വ്യക്തിസ്വാതന്ത്ര്യമാണ്. വിമര്ശകര്ക്ക് വേണ്ടിയാണ് ഇത് കൂടി കൊടുക്കുന്നത്. അഞ്ച് ലക്ഷം കൊടുക്കണമെന്നുണ്ടായിരുന്നു. കൈയില് പൈസ ഉണ്ടായിരുന്നില്ല. അതുകൊണ്ടാണ് 51,000 കൊടുത്തത്. ഇതാണ് സത്യം. ഇപ്പോള് ഞാന് മൊത്തം 1,51,000കൊടുത്തു.
ചിലര് കാരണം 12 മണിക്കൂറൊക്കെ ഹര്ത്താലുണ്ടായിട്ടുണ്ട്. അതൊന്നും സന്തോഷേട്ടനറിഞ്ഞില്ലേ എന്നാണ് പലരുടെയും ചോദ്യം. ഈ പറഞ്ഞിരിക്കുന്നത് 48 മണിക്കൂര് ഹര്ത്താല് നടത്തിയവരും ബേക്കറിയൊക്കെ കുത്തി തുറന്നവരുമൊക്കെയാണ്- സന്തോഷ് പണ്ഡിറ്റ് പറയുന്നു.
പ്രതികരിക്കാൻ ഇവിടെ എഴുതുക: