തൊടുപുഴ: അഞ്ചേരി ബേബി വധക്കേസില് അറസ്റ്റിലായ റിമാന്ഡില് കഴിയുന്ന സിപിഎം ഇടുക്കി മുന് ജില്ലാ സെക്രട്ടറി എം.എം.മണിയുടെ ജാമ്യാപേക്ഷ പരിഗണിക്കുന്നത് കോടതി മാറ്റി. നവംബര് 30 ലേക്കാണ് അപേക്ഷ മാറ്റിയത്.. തൊടുപുഴ സെഷന്സ് കോടതിയാണ് ജാമ്യാപേക്ഷ പരിഗണിക്കുന്നത് മാറ്റിയത്. കേസ് ഡയറി ഹാജരാക്കാന് കൂടുതല് സമയം വേണമെന്ന് പ്രോസിക്യൂഷന് വാദം അംഗീകരിച്ചാണ് ജാമ്യാപേക്ഷ പരിഗണിക്കുന്നത് കോടതി മാറ്റിവെച്ചത്. കേസില് റിമാന്ഡിലായ ഉടന് തന്നെ മണി നെടുങ്കണ്ടം ഒന്നാം ക്ലാസ് മജിസ്ട്രേറ്റ് കോടതിയില് ജാമ്യാപേക്ഷ നല്കിയിരുന്നു. എന്നാല് കോടതി ജാമ്യാപേക്ഷ തള്ളിയതിനെ തുടര്ന്നാണ് ജില്ലാ കോടതിയെ സമീപിച്ചത്.
അതേസമയം മണിക്കാട്ടെ വിവാദ പ്രസംഗത്തിന്റെ പേരിലും മണിയുടെ അറസ്റ്റ് രേഖപ്പെടുത്തുമെന്ന് നേരത്തെ റിപ്പോര്ട്ടുകളുണ്ടായിരുന്നു. എന്നാല് ഇക്കാര്യത്തില് അന്വേഷണ സംഘം അന്തിമ തീരുമാനം എടുത്തിട്ടില്ലെന്നാണ് സൂചന.
പ്രതികരിക്കാൻ ഇവിടെ എഴുതുക: