തിരുവനന്തപുരം: ദേശീയ പണിമുടക്ക് ദിവസം തിരുവനന്തപുരത്ത് എസ്ബിഐയുടെ ട്രഷറി ശാഖ അടിച്ചു തകര്ത്ത കേസില് എട്ട് എന്ജിഒ യൂണിയന് നേതാക്കള്ക്ക് ഉപാധികളോടെ ജാമ്യം. ഓരോരുത്തരും ഒന്നര ലക്ഷം രൂപയുടെ ജാമ്യം കെട്ടിവയ്ക്കണം. തിരുവനന്തപുരം ജില്ലാ സെഷന്സ് കോടതിയുടേതാണ് ഉത്തരവ്.
സിപിഎം അനുകൂല സര്വീസ് സംഘടനയായ എന്ജിഒ യൂണിയന് സംസ്ഥാന കമ്മറ്റി അംഗവും ജിഎസ്ടി വകുപ്പ് ഇന്സ്പെക്ടറുമായ സുരേഷ് ബാബു, ജില്ലാ സെക്രട്ടേറിയറ്റ് അംഗവും ജിഎസ്ടി വകുപ്പിലെ ഇന്സ്പെക്ടറുമായ എസ്.സുരേഷ് കുമാര്, ട്രഷറി ഡയറക്ടറേറ്റിലെ ജീവനക്കാരന് ശ്രീവത്സന്, ട്രഷറി ഡയറക്ടറേറ്റിലെ സീനിയര് അക്കൗണ്ടന്റ് അശോകന്, സാങ്കേതിക വിദ്യാഭ്യാസ വകുപ്പിലെ അറ്റന്ഡര് ഹരിലാല് തുടങ്ങി എട്ടുപേരാണ് അറസ്റ്റിലായത്.
കേസില് സെഷന്സ് കോടതിയും തിരുവനന്തപുരം മജിസ്ട്രേറ്റ് കോടതിയും നേരത്തെ പ്രതികളുടെ ജാമ്യാപേക്ഷ തള്ളിയിരുന്നു. സര്ക്കാര് ജീവനക്കാര് അക്രമം നടത്തിയത് ഗൗരവതരമെന്ന് ജാമ്യാപേക്ഷ തള്ളിക്കൊണ്ട് സെഷന്സ് കോടതി അഭിപ്രായപ്പെട്ടിരുന്നു. പറഞ്ഞു. സര്ക്കാര് ജീവനക്കാര് തന്നെ പൊതുമുതല് നശിപ്പിക്കുന്നത് അംഗീകരിക്കാനാവില്ലെന്നും കോടതി വ്യക്തമാക്കി.
പ്രതികരിക്കാൻ ഇവിടെ എഴുതുക: