ഐസോള്: മിസോറാം ഗവര്ണര് കുമ്മനം രാജശേഖരന് ഫെബ്രുവരി എട്ട് മുതല് 17 വരെ കേരളത്തില് വിവിധ പരിപാടികളില് പങ്കെടുക്കും. എട്ടിന് എറണാകുളം ഭാസ്കരീയം കണ്വെന്ഷന് സെന്ററില് എംഎ. കൃഷ്ണന് നവതിയാഘോഷം അദ്ദേഹം ഉദ്ഘാടനം ചെയ്യും. രാജഗിരി കോളേജ് സോഷ്യല് സയന്സ് വിഭാഗം സംഘടിപ്പിക്കുന്ന എക്സലന്സ് ലക്ചര്-2019, മണക്കാട് എന്.എസ്.എസ്. ഹയര്സെക്കന്ഡറി സ്കൂളില് കാരുണ്യക്ഷേമ പദ്ധതി എന്നിവ ഉദ്ഘാടനം ചെയ്യും. 9ന് പുല്ലാട് വിവേകാനന്ദ സ്കൂളില് ഓര്ഫനേജ് അസോസിയേഷന്റെയും മാവേലിക്കര വിദ്യാധിരാജ വിദ്യാപീഠം സെന്ട്രല് സ്കൂളിന്റെയും വാര്ഷികാഘോഷം ഉദ്ഘാടനം നിര്വഹിക്കും.
10ന് ചെറുകോല്പ്പുഴ ഹിന്ദുമതപരിഷത്തിന്റെ സമാപന സമ്മേളനം ഉദ്ഘാടനം ചെയ്യും. 11ന് ചങ്ങനാശ്ശേരി സുകൃതം ചാരിറ്റബിള് ട്രസ്റ്റിന്റെ സേവാകേന്ദ്രത്തിന്റെ തറക്കല്ലിടല്, ചങ്ങാനാശ്ശേരി ഗായത്രി വിദ്യാമന്ദിര് സ്കൂള് വാര്ഷികാഘോഷം, വൈക്കം വിവേകാനന്ദ വിദ്യാലയത്തിന്റെ ശിലാസ്ഥാപനം, കോട്ടയം പബ്ലിക് ലൈബ്രറിയുടെ പൊതുസമ്മേളനം, ആലപ്പുഴ ശ്രീരാമകൃഷ്ണ യോഗാനന്ദ ആശ്രമത്തിന്റെ സൗജന്യ മെഡിക്കല് ക്യാമ്പും ധ്യാന കേന്ദ്രത്തിന് തറക്കല്ലിടലും, ആലപ്പുഴ വികസനത്തെക്കുറിച്ചുള്ള സെമിനാര് എന്നീ പരിപാടികളില് പങ്കെടുക്കും. 12ന് കോഴിക്കോട് മാതൃസദനത്തിന്റെ പുതിയ കെട്ടിടം ഉദ്ഘാടനത്തിലും സ്പോര്ട്സ് അതോറിറ്റി ഓഫ് ഇന്ത്യയുടെ ചടങ്ങിലും സംബന്ധിക്കും.
13ന് കല്പ്പറ്റ മുട്ടില് വിവേകാനന്ദ മെഡിക്കല് മിഷന് ഹോസ്പിറ്റലിന്റെയും വയനാട് ഉറവ് ബാംബൂ ഗ്രോവിന്റെയും പരിപാടികളില് പങ്കെടുക്കും. 14ന് എറണാകുളം ടിഡിഎം ഹാളില് കേന്ദ്ര സാഹിത്യ അക്കാദമി പുരസ്കാര ജേതാവ് കവി എസ്. രമേശന് നായര്ക്കും ബിടിഎച്ച് ഹോട്ടലില് പത്മശ്രീ കെ.ജി. ജയനും നല്കുന്ന സ്വീകരണ ചടങ്ങ് ഉദ്ഘാടനം ചെയ്യും. ആറു മണിക്ക് ഭാസ്കരീയം കണ്വെന്ഷന് സെന്ററില് നാഷണല് ഫോക് ലോര് ആര്ട്ട് ഫെസ്റ്റിവല് ഉദ്ഘാടനം ചെയ്യും. 16ന് മലയാലപ്പുഴ ദേവീ ക്ഷേത്രം പൊങ്കാല മഹോത്സവവും ആറന്മുളയില് ദേശീയ പൈതൃക ശില്പ്പശാലയും ഉദ്ഘാടനം ചെയ്യും. തുടര്ന്ന് പത്തനംതിട്ടയില് ടൂറിസം വകുപ്പിന്റെ സ്വദേശി സര്ക്യൂട്ട് പദ്ധതിയുടെയും കോട്ടയം കെവിഎംഎസ് ഹോസ്പിറ്റലിന്റെ ഡയാലിസിസ് യൂണിറ്റിന്റെയും ഉദ്ഘാടന ചടങ്ങില് പങ്കെടുക്കും. 17ന് ചാവക്കാട് മത്സ്യപ്രവര്ത്തക സംഘം സംസ്ഥാന സമ്മേളനം ഉദ്ഘാടനത്തിലും തുടര്ന്ന് പാഞ്ഞാളില് തുപ്പേട്ടന് അനുശോചന യോഗത്തിലും പങ്കെടുത്ത് മിസോറാമിലേക്ക് മടങ്ങും.
പ്രതികരിക്കാൻ ഇവിടെ എഴുതുക: