തൃശൂര്:ലോക്സഭാ തെരഞ്ഞെടുപ്പില് മത്സരിക്കാനില്ലെന്ന് ഐ.എം വിജയന്. ആലത്തൂരില് യുഡിഎഫ് സ്ഥാനാര്ഥിയായി മത്സരിക്കുമെന്ന വിധത്തില് വാര്ത്തകള് പുറത്തുവന്നിരുന്നു. ഇതിനോട് പ്രതികരിക്കുകയായിരുന്നു അദ്ദേഹം.
തന്നെ രാഷ് ട്രീയക്കാരനായി കാണാന് ആളുകള് ആഗ്രഹിക്കുന്നില്ല. സ്ഥാനാര്ഥിത്വവുമായി ബന്ധപ്പെട്ട് കോണ്ഗ്രസ് തന്നെ സമീപിച്ചിരുന്നു. പല നേതാക്കളും സംസാരിച്ചിരുന്നു. എന്നാല് ജോലി വിട്ട് ചിന്തിക്കാന് സമയമായിട്ടില്ലെന്നും ഐ.എം വിജയന് പറഞ്ഞു.
ജോലിയില് നിന്ന് വിരമിച്ച ശേഷമുള്ള കാര്യങ്ങള് പിന്നീട് തീരുമാനിക്കുന്നതാണ്. എല്ലാ രാഷ്ട്രീയ നേതാക്കളുമായും തനിക്ക് നല്ല ബന്ധമാണ്. ജോലിയും ഫുട്ബോളും സിനിമയുമായി മുന്നോട്ട് പോകാനാണ് ഇപ്പോള് ആഗ്രഹിക്കുന്നതെന്നും അദ്ദേഹം കൂട്ടിച്ചേര്ത്തു.
അതേസമയം ഫുട്ബോള് താരം ഐ.എം. വിജയനോട് തെരഞ്ഞെടുപ്പില് മത്സരിക്കാന് ആവശ്യപ്പെട്ടിട്ടില്ലെന്നും മറിച്ചുള്ള വാദങ്ങള് തെറ്റാണെന്നും കെപിസിസി പ്രസിഡന്റ് മുല്ലപ്പള്ളി രാമചന്ദ്രന് അറിയിച്ചു.
പ്രതികരിക്കാൻ ഇവിടെ എഴുതുക: