തൊളിക്കോട്: തിരുവനന്തപുരം തൊളിക്കോട് പോക്സോ കേസില് പ്രതിയായ ഇമാമിനെതിരെ പ്രഥമ ദൃഷ്ട്യാ തെളിവുണ്ടെന്ന് പോലീസ്. ഷഫീഖ് അല് ഖാസ്മി രണ്ട് ദിവസത്തിനകം പിടിയിലാകുമെന്നും ഇയാള് വിദേശത്തേക്ക് കടക്കാതിരിക്കാന് ലുക്ക് ഔട്ട് നോട്ടീസ് അടക്കം എല്ലാ നടപടിയും സ്വീകരിച്ചിട്ടുണ്ടെന്നും അന്വേഷണ ചുമതല വഹിക്കുന്ന ഡിവൈഎസ്പി ഡി അശോകന് അറിയിച്ചു.
ഷഫീഖ് അല് ഖാസിമിയുടെ സ്വദേശമായ ഈരാറ്റുപേട്ടയിലും സുഹൃത്തുക്കളുടെ വീട്ടിലും അന്വേഷണം നടത്തിയെന്ന് പോലീസ് വിശദമാക്കി. മുന്കൂര് ജാമ്യം തേടി ഹൈക്കോടതിയെ സമീപിക്കാനും നീക്കമുണ്ടെന്നാണ് സൂചന.
കീഴടങ്ങണമെന്ന് ഇമാമിന്റെ അഭിഭാഷകനോട് ആവശ്യപ്പെട്ടിടുണ്ടെന്നും പോലീസ് അറിയിച്ചു. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചതിനാണ് ഇമാമിനെതിരെ പോക്സോ പ്രകാരം കേസെടുത്തത്. തൊളിക്കോട് ജമാഅത്തിലെ മുന് ഇമാം ഷെഫീക്ക് അല് ഖാസ്മിക്കെതിരെയാണ് വിതുര പൊലീസ് കേസെടുത്തത്. പെണ്കുട്ടി പരാതി നല്കാന് തയ്യറാകാത്തതിനാല് പള്ളിയുടെ പ്രസിഡന്റ പരാതിയിലാണ് കേസെടുത്തത്.
ഇമാം പീഡിക്കാന് ശ്രമിച്ച പെണ്കുട്ടിയെ ചൈല്ഡ് വെല്ഫെയര് കമ്മറ്റി രഹസ്യ കേന്ദ്രത്തിലേക്ക് മാറ്റിയിരുന്നു. പോലീസില് പരാതി പെടാന് തയാറാകാത്ത കുടുംബം ചൈല്ഡ് വെല്ഫയര് കമ്മറ്റിക്ക് മുന്നില് മൊഴി നല്കാനും അനുവദിച്ചിരുന്നില്ല. ഇതേ തുടര്ന്നാണ് നടപടി. പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കാന് ശ്രമിച്ചെന്ന ആരോപണം പരിശോധിച്ച ഓള് ഇന്ത്യ ഇമാം കൗണ്സില് ഷഫീഖ് അല് ഖാസിമിയെ സംഘടനയില് നിന്നും പുറത്താക്കി. ഫെയ്സ് ബുക്കിലൂടെയാണ് ഇക്കാര്യം അറിയിച്ചത്. തിരുവനന്തപുരം ജില്ലയിലെ തൊളിക്കോട് മുസ്ലിംപള്ളിയിലെ ചീഫ് ഇമാമായിരുന്നു ഷഫീഖ് ഖാസിമി.
പ്രതികരിക്കാൻ ഇവിടെ എഴുതുക: