തിരുവനന്തപുരം: അങ്കണവാടി വര്ക്കര്മാരുടേയും ഹെല്പ്പര്മാരുടേയും വര്ധിപ്പിച്ച ഓണറേറിയമായ 12,000 രൂപയും 8,000 രൂപയും ഏപ്രില് മാസം മുതല് നല്കുമെന്ന് മന്ത്രി കെ.കെ. ശൈലജ അറിയിച്ചു. അങ്കണവാടി വര്ക്കര്മാരുടേയും ഹെല്പ്പര്മാരുടേയും ഓണറേറിയം യഥാക്രമം 11,500 രൂപയായും 7,750 രൂപയായും വര്ധിപ്പിച്ച് സര്ക്കാര് ഉത്തരവിറക്കിയിട്ടുണ്ട്. 2018 ഒക്ടോബര് ഒന്നുമുതല് ഇതിന് പ്രാബല്യമുണ്ടായിരിക്കും.
ഈ വര്ഷത്തെ ബജറ്റില് ധനമന്ത്രി പ്രഖ്യാപിച്ചിച്ച വര്ധനവ് കൂടിയാകുമ്പോള് വര്ധിപ്പിച്ച ഓണറേറിയം ഏപ്രില് മാസം മുതല് ഇവര്ക്ക് ലഭിക്കും. അങ്കണവാടി ഹെല്പ്പര്മാര്ക്ക് അങ്കണവാടി സെന്ററുകളുടെ ശരിയായ നടത്തിപ്പില് അവരുടെ പ്രകടനത്തിന്റെ അടിസ്ഥാനത്തില് 250 രൂപ പെര്ഫോമന്സ് ഇന്സന്റീവ് നല്കുന്നതിനും ഉത്തരവായിട്ടുണ്ട്. സമ്പുഷ്ട കേരളം പദ്ധതി പ്രകാരം അങ്കണവാടി വര്ക്കര്മാര്ക്കും 500 രൂപ പെര്ഫോമന്സ് ഇന്സന്റീവ് പ്രഖ്യാപിച്ചിട്ടുണ്ടെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: