ശ്രീനഗര് : പുല്വാമ ഭീകരാക്രമണവുമായി ബന്ധപ്പെട്ട്ഏഴുപേരെ എന്ഐഎ കസ്റ്റഡിയിലെടുത്തു. ഇവരെ രഹസ്യകേന്ദ്രത്തില് ചോദ്യം ചെയ്യുകയാണ്. ഇവരുടെ കൂടുതല് വിവരങ്ങള് പുറത്തുവിട്ടിട്ടില്ല. ശ്രീനഗറില് നിന്നാണ് ഇവരെ എന്ഐഎ പിടികൂടിയത്.
ഭീകരാക്രമണവുമായി ബന്ധമുണ്ടെന്ന് സംശയിക്കുന്ന ഇവരെ രഹസ്യകേന്ദ്രത്തില് ചോദ്യം ചെയ്യുകയാണ്. ഇവരെ കുറിച്ചുള്ള കൂടുതല് വിവരങ്ങള് പുറത്തുവിട്ടില്ല. തെക്കന് കാശ്മീരിലെ പുല്വാമ ജില്ലയില് ശ്രീനഗറില് നിന്ന് 30 കിലോമീറ്റര് അകലെ ലെത്പോറയില് വ്യാഴാഴ്ച വൈകിട്ട് മൂന്ന് മണിയോടെയായിരുന്നു ആക്രമണം. ആക്രമണത്തില് 40 സിആര്പിഎഫ് ജവാന്മാര് വീരമൃത്യു വരിച്ചു. കഴിഞ്ഞ ദിവസം ജവാന്മാരുടെ മൃതശരീരങ്ങള് ഡല്ഹിയിലെത്തിച്ച് രാജ്യം ആദരാഞ്ജലികള് അര്പ്പിച്ചിരുന്നു.
സ്ഫോടനത്തിന്റെ ആഘാതത്തില് ജവാന്മാരുടെ ഛിന്നഭിന്നമായ ശരീരഭാഗങ്ങള് സ്ഥലത്താകെ ചിതറിത്തെറിച്ചിരിക്കുകയായിരുന്നു. മരിച്ചവരെ തിരിച്ചറിയുക എന്നത് പ്രയാസകരമായിരുന്നു. ഇവരുടെ ബാഗുകളില് നിന്നും പാന്റിന്റെ പോക്കറ്റില് നിന്നും ആധാര് കാര്ഡ്, തിരിച്ചറിയല് കാര്ഡ്,പാന് കാര്ഡ്, ലീവ് അപേക്ഷ തുടങ്ങിയ വസ്തുക്കള് കണ്ടെത്തിയാണ് മിക്കവരേയും തിരിച്ചറിഞ്ഞത്. ചിലരെ ഇവര് ഉപയോഗിച്ചിരുന്ന വാച്ചുകളും പേഴ്സുകളും വഴിയാണ് സഹപ്രവര്ത്തകര് തിരിച്ചറിഞ്ഞതെന്ന് ഒരു മുതിര്ന്ന സൈനിക ഉദ്യോഗസ്ഥന് പറഞ്ഞു.
സംഭവ സ്ഥലത്ത് നിന്ന് ലഭിച്ച അടയാളങ്ങള് ഉറപ്പ് വരുത്തുന്നതിനായി സൈനികരുടെ കുടുംബാംഗങ്ങളുമായി നൂറുകണക്കിന് തവണയാണ് ഫോണിലൂടെ ബന്ധപ്പെട്ടത്.
പ്രതികരിക്കാൻ ഇവിടെ എഴുതുക: