തിരുവനന്തപുരം: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചെന്ന കേസില് പ്രതിയായ ഇമാം ഷെഫീഖ് അല് ഖാസിമിക്കു വേണ്ടി ബെംഗളൂരുവിലേക്കും തെരച്ചില് വ്യാപിപ്പിക്കുന്നു. ഇമാമിന്റെ സഹോദരന് അല് അമീനൊപ്പം പോലീസ് ബെംഗളൂരുവിലേക്ക് തിരിച്ചിട്ടുണ്ട്.
കേസെടുത്തതിന് തൊട്ടുപിന്നാലെ ഇമാം ബെംഗളൂരുവിലേക്ക് കടന്നതായി സഹോദരങ്ങള് സമ്മതിച്ചു. പെരുമ്പാവൂര് സ്വദേശിയായ സഹോദരന് നൗഷാദിനൊപ്പമാണ് ഇമാം എന്നാണ് പൊലീസിന് കിട്ടിയ സൂചന. നൗഷാദും ഒളിവിലാണ്.
കൊച്ചിയില് വാഹനം ഉപേക്ഷിച്ച ശേഷമാണ് ഇമാം ഒളിവില് പോയത്. ഇമാമിനെ ഒളിവില് പോകാന് സഹായിച്ച മൂന്ന് സഹോദരങ്ങളെ കൊച്ചിയില് നിന്നും പൊലീസ് പിടികൂടിയിരുന്നു. അല് -അമീന്,അന്സാരി, ഷാജി എന്നിവരില് നിന്നാണ് ഒളിവിലുള്ള ഇമാനെ കുറിച്ച് കൂടുതല് വിവരങ്ങള് ലഭിച്ചത്. മറ്റൊരു സഹോദരനായ നൗഷാദാണ് ഇമാമിനെ സഹായിക്കുന്നതെന്നാണ് പൊലീസിനെ ലഭിച്ചിരിക്കുന്ന വിവരം.
അതേസമയം ഇന്നലെ പിടിയിലായവര് പൊലീസിനെ തെറ്റിദ്ധരിപ്പിക്കാനും ശ്രമിച്ചു. ഇന്നോവ കാര് പെരുമ്ബാവൂരില് ഉപേക്ഷിച്ചെന്നായിരുന്നു ഇവരുടെ മൊഴി. പെരുമ്ബാവൂര് പൊലീസ് അന്വേഷണം നടത്തിയെങ്കിലും വാഹനം കണ്ടെത്തിയില്ല. ഒടുവില് വെററില മൊബിലിറ്റി ഹബ്ബിലെ പാര്ക്കിംഗ് സ്ഥലത്തുനിന്നാണ് വാഹനം കണ്ടെത്തിയത്.
പ്രതികരിക്കാൻ ഇവിടെ എഴുതുക: