ന്യൂദല്ഹി: പുല്വാമയില് 40 സിആര്പിഎഫ് ജവാന്മാരുടെ ജീവന് നഷ്ടമായ ഭീകരാക്രമണത്തില് ഒന്ന് അനുശോചിക്കാന് പോലും തയാറാകാതിരുന്ന പാകിസ്ഥാന് പ്രധാനമന്ത്രി ഇമ്രാന് ഖാനെതിരെ കേന്ദ്ര ആഭ്യന്തര മന്ത്രി രാജ്നാഥ് സിങ്. പുല്വാമ ഭീകരാക്രമണത്തെ അപലപിക്കാത്ത ഇമ്രാന് ഖാന് തീവ്രവാദത്തെക്കുറിച്ച് പറയാന് ഒരു അവകാശവുമില്ലെന്നും രാജ്നാഥ് സിങ് പറഞ്ഞു.
ആജ് തക്കിന് നല്കിയ അഭിമുഖത്തിലാണ് കേന്ദ്ര ആഭ്യന്തര മന്ത്രി ഇക്കാര്യം വ്യക്തമാക്കിയത്. പുല്വാമയിലെ ഭീകരാക്രമണത്തിന് പാകിസ്ഥാന് ഒരു പങ്കുമില്ലെന്നാണ് ഇമ്രാന് ഖാന്റെ വാദം. എന്നാല് ഇത് ശരിയല്ല രാജ് നാഥ് സിങ് പറഞ്ഞു.
ഇതിനിടെ പുല്വാമ ഭീകരാക്രമണത്തിന്റെ പശ്ചാത്തലത്തില് ഇന്ത്യയുടെ തിരിച്ചടി നേരിടാന് പാകിസ്ഥാന് തയ്യാറെടുപ്പുകള് തുടങ്ങി. ഇന്ത്യയുമായി യുദ്ധമുണ്ടാവുകയാണെങ്കില് പരിക്കേല്ക്കുന്ന സൈനികരെ ചികിത്സിക്കാന് തയ്യാറെടുപ്പ് തുടങ്ങാന് ആശുപത്രികള്ക്ക് പാക് സേന നിര്ദ്ദേശം നല്കിയിട്ടുണ്ട്. പാകിസ്ഥാന് പ്രധാനമന്ത്രി ഇമ്രാന് ഖാന് ഇന്നലെ അടിയന്തര സുരക്ഷാ സമിതി യോഗം വിളിച്ചു ചേര്ത്തിരുന്നു.
പാകിസ്ഥാന് കരസേന മേധാവിയുമായി കൂടിക്കാഴ്ച നടത്തിയതിന് ശേഷമായിരുന്നു ഇമ്രാന് ഖാന് യോഗം വിളിച്ചത്. ഈ കൂടിക്കാഴ്ചയ്ക്ക് ശേഷമാണ് ഇന്ത്യ ആക്രമിക്കുകയാണെങ്കില് തിരിച്ചടിക്കാന് സൈന്യത്തിന് പൂര്ണ സ്വാതന്ത്ര്യം നല്കിക്കൊണ്ടുള്ള നിലപാട് ഇമ്രാന് ഖാന് വ്യക്തമാക്കിയത്.
പ്രതികരിക്കാൻ ഇവിടെ എഴുതുക: