തിരുവനന്തപുരം: എന്എസ്എസിനോട് കോടിയേരി പ്രതികരിക്കുന്നത് മൂന്നാംകിട രാഷ്ട്രീയക്കാരന്റെ തരാംതാണ ഭാഷയിലെന്ന് ബിജെപി സംസ്ഥാന പ്രസിഡന്റ് അഡ്വ.പി.എസ്. ശ്രിധരന്പിള്ള. അങ്ങേയറ്റത്തെ ധാര്ഷ്ട്യവും ധിക്കാരവുമാണ് കോടിയേരിയുടെ പ്രതികരണത്തില്.
എന്എസ്എസിനെ സിപിഎം ഭീഷണിപ്പെടുത്തുന്നു. ചര്ച്ചയ്ക്കുള്ള ക്ഷണം സ്വീകരിക്കാനോ നിരാകരിക്കാനോ ഉള്ള സര്വസ്വാതന്ത്ര്യവും ഒരു സ്വതന്ത്ര സാമുദായിക സംഘടന എന്ന നിലക്ക് എന്എസ്എസിന് ഉണ്ടെന്നത് അംഗീകരിക്കാനും ആദരിക്കാനും സിപിഎം നേതൃത്വം മര്യാദ കാണിക്കണം.
കേരളത്തിന്റെ സാമൂഹ്യ, സാംസ്കാരിക, രാഷ്ട്രീയ ജീവിതത്തില് സാമുദായിക സംഘടനകള്ക്ക് വളരെ വലിയ പങ്കാണ് എക്കാലത്തുമുള്ളത്. അതിനെ തള്ളിപ്പറയാനോ കുറച്ചു കാണാനോ ഒരു രാഷ്ട്രീയ പാര്ട്ടിക്കും അവകാശമില്ല. നവോത്ഥാനത്തിന്റെ ചരിത്രത്തില് എന്എസ്എസിന്റെ പങ്ക് നിര്ണായകവും നിയാമകവുമാണ്. രാഷ്ട്രീയ ആവശ്യങ്ങള്ക്കായി പലയവസരങ്ങളിലും സാമുദായിക സംഘടനകളുടെയും നേതാക്കളുടെയും പിന്തുണ തേടിയിട്ടുള്ള പാരമ്പര്യമാണ് സിപിഎമ്മിനുള്പ്പെടെയുള്ളത്.
എന്എസ്എസിന്റെ കൂടി പിന്തുണ നേടിയായിരുന്നു ആദ്യ കമ്യൂണിസ്റ്റ് മന്ത്രിസഭ അധികാരത്തിലേറിയതെന്ന് സഖാക്കള് മറന്നു പോകരുത്. കഴിഞ്ഞ നിയമസഭാ തെരഞ്ഞെടുപ്പിലും പിണറായിയും കോടിയേരിയും എന്എസ്എസുള്പ്പെടെയുള്ള സാമുദായിക സംഘടനകളുടെ പിന്തുണയ്ക്കായി സമീപിച്ചിരുന്നു. തലസ്ഥാനത്തെ ഒരു സിപിഎം നേതാവിന് കാലൊടിഞ്ഞു പരിക്കേറ്റത് തെരഞ്ഞെടുപ്പാവശ്യങ്ങള്ക്കായി പെരുന്നയിലെ പടി കയറുമ്പോഴായിരുന്നുവെന്നും ശ്രീധരന്പിള്ള പറഞ്ഞു.
പ്രതികരിക്കാൻ ഇവിടെ എഴുതുക: