കോഴിക്കോട്: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെതിരെ ആര്എസ്എസ് നിയമനടപടിക്ക്. മാതൃഭൂമി ദിനപ്പത്രത്തില് ഫെബ്രു. ഏഴിന്് എഡിറ്റോറിയല് പേജില് പ്രസിദ്ധീകരിച്ച കോടിയേരി ബാലകൃഷ്ണന്റെ ‘കോണ്ഗ്രസ്സിന്റേത് അതിരു കടന്ന രാഷ്ട്രീയാഭാസം’ എന്ന ലേഖനത്തില് ഗാന്ധിജിയെ വധിച്ചത് ആര്എസ്എസ് ആണെന്ന പരാമര്ശത്തിനെതിരെയാണ് നിയമനടപടി. ആര്എസ്എസ് കോഴിക്കോട് മഹാനഗര് സംഘചാലക് ഡോ. സി.ആര്. മഹിപാല് അഡ്വ. ഇ.കെ. സന്തോഷ് കുമാര് മുഖേനയാണ് വക്കീല് നോട്ടീസ് അയച്ചിരിക്കുന്നത്.
മാതൃഭൂമി മാനേജിങ് എഡിറ്റര് പി.വി. ചന്ദ്രന്, എക്സിക്യൂട്ടീവ് എഡിറ്റര് പി.ഐ. രാജീവ് എന്നിവര്ക്കും നോട്ടീസ് അയച്ചിട്ടുണ്ട്. നോട്ടീസ് കിട്ടി ഒരാഴ്ചക്കുള്ളില് കോടിയേരി ബാലകൃഷ്ണന് മാപ്പു പറയുകയും പത്രത്തിന്റെ പ്രധാന പേജില് ശ്രദ്ധിക്കപ്പെടുന്ന രീതിയില് അത് പ്രസിദ്ധീകരിക്കുകയും വേണമെന്നാണ് വക്കീല് നോട്ടീസില് ആവശ്യപ്പെട്ടിരിക്കുന്നത്. കൂടാതെ 50 ലക്ഷം രൂപ നഷ്ടപരിഹാരം നല്കണമെന്നും ഇതിന് തയ്യാറല്ലെങ്കില് തുടര് നിയമനടപടികളുമായി മുന്നോട്ട് പോകുമെന്നും വക്കീല് നോട്ടീസില് വ്യക്തമാക്കുന്നു.
പ്രതികരിക്കാൻ ഇവിടെ എഴുതുക: