കശ്മീര്: കശ്മീരിലെ കുപ്വാരയില് ഭീകരരും സുരക്ഷാ സേനയും തമ്മില് ഏറ്റുമുട്ടല് അവസാനിച്ചു. വ്യാഴാഴ്ച തുടങ്ങിയ ഏറ്റുമുട്ടല് ഇന്ന് രാവിലെ ഏഴു മണിയോടെയാണ് അവസാനിച്ചത്. ഏറ്റുമുട്ടലില് സൈന്യം രണ്ട് ഭീകരരെ വധിച്ചു. നേരത്തേ മൂന്നു ഭീകരരെ സൈന്യം വളഞ്ഞതായി റിപ്പോര്ട്ടുകള് പുറത്തു വന്നിരുന്നു. പ്രദേശത്ത് കൂടുതല് ഭീകരര്ക്കായുള്ള തെരച്ചില് സൈന്യം തുടരുകയാണ്.
കുപ്വാര ജില്ലയിലെ ഹാന്ദ്വാരയിലാണ് സുരക്ഷാ സേനയും ഭീകരരും തമ്മിലുള്ള ഏറ്റുമുട്ടിയത്. അതേസമയം ഉറി സെക്ടറിലെ പാക്കിസ്ഥാന് വീണ്ടും വെടിനിര്ത്തല് ലംഘിച്ചതായാണ് പുതിയ വാര്ത്തകള് പുറത്തു വരുന്നത്. ഗവാഹലന്, ചോക്കാസ്, കികര്, കാത്തി എന്നിവിടങ്ങളിലെ പോസ്റ്റുകളിലാണ് വ്യാഴാഴ്ച രാത്രിയില് വെടിവെപ്പുണ്ടായത്. സംഭവത്തില് ഒരു പ്രദേശവാസിക്ക് പരിക്കേറ്റു.
പ്രതികരിക്കാൻ ഇവിടെ എഴുതുക: