ദുബായ്: അന്താരാഷ്ട്ര ക്രിക്കറ്റ് കമ്മിറ്റി ചെയര്മാനായി അനില് കുംബ്ലെയെ വീണ്ടും തിരഞ്ഞെടുത്തു. ദുബായില് നടന്ന ഐസിസി ബോര്ഡ് യോഗത്തിലാണ് ഇതുസംബന്ധിച്ച് തീരുമാനമെടുത്തത്. മൂന്നു വര്ഷത്തേക്കാണ് കാലാവധി.
ഇന്ത്യന് ബൗളിങ് ഇതിഹാസവും മുന് ക്യാപ്ടനുമായ അനില് കുംബ്ലെ തുടര്ച്ചയായി മൂന്നാം തവണയാണ് ഈ പദവിയിലെത്തുന്നത്. 2012ലാണ് കുംബ്ലെ ആദ്യമായി ചെയര്മാന് സ്ഥാനത്തെത്തുന്നത്. കുംബ്ലെ കുറച്ചു കാലം ഇന്ത്യന് ക്രിക്കറ്റ് ടീം പരിശീലകനായും സേവനമനുഷ്ഠിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: