ന്യൂദല്ഹി : അതിര്ത്തിയില് പാക് പ്രകോപനങ്ങള് തുടര്ച്ചയായ സാഹചര്യത്തില് പ്രധാനമന്ത്രി നരേന്ദ്രമോദിയുടെ അധ്യക്ഷതയില് പ്രത്യേക യോഗം വിളിച്ചു. ദേശീയ സുരക്ഷാ ഉപദേഷ്ടാവ് അജിത് ദോവല്, വിദേശകാര്യസെക്രട്ടറി വിജയ് ഗോഖലെ, കേന്ദ്രമന്ത്രിമാരായ രാജ്നാഥ് സിങ്, സുഷമാ സ്വരാജ്, നിര്മലാ സീതാരാമന്, അരുണ് ജയ്റ്റ്ലി എന്നിവരും യോഗത്തിലുണ്ട്.
കാശ്മീരിലെ അഖ്നൂര് മേഖലയില് വെടിനിര്ത്തല് കരാര് ലംഘിച്ച് വീണ്ടും പാക്കിസ്ഥാന് വെടിവെപ്പ് നടത്തി. ഇന്ത്യന് സൈന്യം തിരിച്ചടിച്ചുവെന്ന് വാര്ത്താ ഏജന്സികള് റിപ്പോര്ട്ട് ചെയ്തു. കഴിഞ്ഞ ദിവസം കശ്മീരിലെ നൗഷേരയിലും പാക്കിസ്ഥാന് വെടിനിര്ത്തല് കരാര് ലംഘിച്ചിരുന്നു.
പാക്കിസ്ഥാന്റെ ഭാഗത്ത് നിന്ന് വലിയ രീതിയിലുള്ള പ്രകോപനങ്ങള് ഉണ്ടായിരുന്നു. കശ്മീരിലെ പൂഞ്ചില് പാക് സേന നടത്തിയ ഷെല്ലാക്രമണത്തില് ഒരു കുടുംബത്തിലെ മൂന്ന് പേര് മരിച്ചു. പൂഞ്ച് മേഖലയില് സൈനിക പോസ്റ്റുകള്ക്ക് നേരെ പാക് സേന വെടിയുതിര്ത്തിരുന്നു.
പ്രതികരിക്കാൻ ഇവിടെ എഴുതുക: