സെന്റ് ലൂസിയ: ജോണി ബെയര്സ്റ്റോയുടെ വെടിക്കെട്ട് ബാറ്റിങ്ങില് ഇംഗ്ലണ്ടിന് വിജയം. ആദ്യ ട്വന്റി 20 മത്സരത്തില് ഇംഗ്ലണ്ട്് നാലു വിക്കറ്റിന് വിന്ഡീസിനെ തോല്പ്പിച്ചു. ഇതോടെ മൂന്ന് മത്സരങ്ങളുടെ പരമ്പരയില് ഇംഗ്ലണ്ട് 1-0ന് മുന്നില്.
161 റണ്സ് വിജയലക്ഷ്യത്തിനായി ബാറ്റേന്തിയ ഇംഗ്ലണ്ട് ഏഴൂ പന്ത് ശേഷിക്കെ ആറു വിക്കറ്റ് നഷ്ടത്തില് ലക്ഷ്യം കണ്ടു. അടിച്ചുതകര്ത്ത ജോണി ബെയര്സ്റ്റോ 40 പന്തില് 68 റണ്സ് നേടി. ഒമ്പത് ഫോറും രണ്ട് സിക്സറും അടിച്ചു. ട്വന്റി 20യില് ജോണി ബെയര്സ്റ്റോയുടെ ഏറ്റവും മികച്ച ഇന്നിങ്സാണിത്. ഡെന്ലി 29 പന്തില് 30 റണ്സ് എടുത്തു. ബില്ലിങ്ങ്സ് പതിനാറ് പന്തില് 18 റണ്സ് കുറിച്ചു.
ആദ്യം ബാറ്റ് ചെയ്ത വിന്ഡീസ് നിക്കോളസ് പുരാന്റെ അര്ധ സെഞ്ചുറിയിലാണ് ഇരുപത് ഓവറില് എട്ട് വിക്കറ്റിന് 160 റണ്സ് നേടിയത്. നിക്കോളസ് 37 പന്തില് നാല് സിക്സറും മൂന്ന് ഫോറും അടക്കം 58 റണ്സ് നേടി. ഡി.എം. ബ്രാവോ 28 റണ്സ് എടുത്തു.
പ്രതികരിക്കാൻ ഇവിടെ എഴുതുക: