തിരുവനന്തപുരം: ശബരിമല പ്രചാരണ വിഷയമാകുന്നതില് തടസമില്ലെന്ന് ബിജെപി സംസ്ഥാന അധ്യക്ഷന് അഡ്വ. പി.എസ്. ശ്രീധരന്പിള്ള
ശബരിമലയിലെ യുവതീപ്രവേശന വിഷയവും സര്ക്കാര് നിലപാടുകളും ജനങ്ങളോട് വിശദീകരിക്കാന് തടസ്സമില്ല. അയോധ്യാപ്രശ്നം, ചര്ച്ച് ആക്ട് എല്ലാം മതപരമാണ്. അതു പറയുമ്പോള് ജനങ്ങളെ ദോഷകരമായി ബാധിക്കാന് പാടില്ല.
അതുപോലെയാണ് ശബരിമലയും. ശബരിമലയുടെ ചിത്രം പ്രചാരണത്തിന് ഉപയോഗിച്ചാല് തെരഞ്ഞെടുപ്പ് അസാധുവാകും. ബിജെപി പ്രവര്ത്തകര്ക്ക് പ്രചാരണ വിഷയങ്ങളുടെ ലക്ഷ്മണ രേഖ അറിയാം. നിയമത്തിനുള്ളില് നില്ക്കുന്ന കാര്യങ്ങളേ അവര് ചെയ്യൂ എന്നും ശ്രീധരന്പിള്ള പറഞ്ഞു.
പ്രതികരിക്കാൻ ഇവിടെ എഴുതുക: