സാവോപോളോ : ബ്രസീലിലെ സ്കൂളിലുണ്ടായ വെടിവെപ്പില് അഞ്ചു കുട്ടികള് ഉള്പ്പടെ ഒമ്പതു പേര് കൊല്ലപ്പെട്ടു. സാവോപോളോയിലെ റോള് ബ്രസില് സ്കൂളിലാണ് വെടിവെയ്പ്പുണ്ടായത്. 10 പേര്ക്ക് പരിക്കേറ്റു.
മുഖം മൂടി ധരിച്ചെത്തിയ അക്രമികള് കുട്ടികള്ക്കും അധ്യാപകര്ക്കും നേരെ വെടിയുതിര്ക്കുകയായിരുന്നു. ഇടവേള ആയതിനാല് കുട്ടികള് ക്ലാസിന് വെളിയിലായിരുന്നു. വെടിവെയ്പ്പില് അഞ്ച് കുട്ടികള് ഉള്പ്പെടെ ഒമ്പത് പേരാണ് മരിച്ചത്.
വെടിവെപ്പിനു ശേഷം അക്രമികള് പ്രദേശത്തു നിന്നും കടന്നുകളഞ്ഞു. ഇവര്ക്കുവേണ്ടി അന്വേഷണം ആരംഭിച്ചിട്ടുണ്ട്. ബ്രസീലില് വെടിവെപ്പുകള് ഉണ്ടാകാറുണ്ടെങ്കിലും ഇത്തരത്തില് സ്കൂളുകള്ക്ക് നേരെയുള്ള അക്രമണങ്ങള് അപൂര്വമാണെന്നും പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: