? എന്തു കൊണ്ട് ബിജെപിയില്
മുമ്പു തന്നെ ബിജെപിയുടെ പ്രവര്ത്തനങ്ങള് ശ്രദ്ധിച്ചിരുന്നു. പ്രധാനമന്ത്രി നരേന്ദ്ര മോദിയുടെ വ്യക്തിപ്രഭാവവും പ്രവര്ത്തനങ്ങളും ഏറെക്കാലമായി എന്നെ ആകര്ഷിക്കുന്നു.
ഈ പാര്ട്ടിയില് ചേര്ന്നു പ്രവര്ത്തിക്കുന്നതിനെക്കുറിച്ചും കുറച്ചു കാലമായി ആലോചിച്ചിരുന്നു. ഇപ്പോള് ബിജെപിയില് പ്രവര്ത്തിക്കാനും മറ്റൊരു തരത്തില് രാജ്യത്തെ സേവിക്കാന് അവസരം ലഭിക്കുന്നതിലും ഏറെ സന്തോഷമുണ്ട്. പ്രധാനമന്ത്രിയോടുള്ള ആരാധന തന്നെയാണ് ഈ പാര്ട്ടിയില് എത്തിയതിന്റെ പ്രധാന കാരണം.
? ക്രിക്കറ്റിലേതു പോലെ രാഷ്ട്രീയത്തില് തിളങ്ങാന് കഴിയുമോ
ഇതൊരു പുതിയ പ്ലാറ്റ്ഫോമാണ്. ക്രിക്കറ്റില് എനിക്കാവും വിധം രാജ്യത്തിനായി പ്രവര്ത്തിച്ചു. രാഷ്ട്രീയത്തില് വരുന്നതിനെക്കുറിച്ച് മുമ്പ് ആലോചനകള് നടത്തിയിരുന്നതുകൊണ്ട് ചില കണക്കുകൂട്ടലുകളുണ്ട്. ഏതു തലത്തില്, ഏതു തരത്തില് പ്രവര്ത്തിക്കണം എന്നൊക്കെ ഇനി പാര്ട്ടിയാണ് തീരുമാനിക്കേണ്ടത്. രാജ്യത്തെ രാഷ്ട്രീയ സാഹചര്യങ്ങളെ നിരീക്ഷിച്ചിരുന്നതിനാല് അക്കാര്യത്തില് ചില ധാരണകള് ഉണ്ട്.
? ഏതു തരത്തിലുള്ള പ്രവര്ത്തനമാണ് മനസ്സിലുള്ളത്
രാജ്യത്തിന് ഏറെ പ്രതീക്ഷയുള്ള പാര്ട്ടിയെന്ന നിലയില് ബിജെപിയെ മുന്നോട്ടു കൊണ്ടുപോകണം. ഇന്ത്യയെ കൂടുതല് മെച്ചപ്പെട്ട സാഹചര്യങ്ങളിലേക്ക് നയിക്കാനുള്ള ബിജെപിയുടെ ശ്രമത്തില് കഴിവിന്റെ പരമാവധി പങ്കുചേരും.
പ്രതികരിക്കാൻ ഇവിടെ എഴുതുക: