കോട്ടയം മണിമലയില് കെ.വി. ജോസഫിന്റെയും, ബ്രിജിത്തിന്റെയും മകനായി 1953 ആഗസ്റ്റ് എട്ടിന് ജനനം.
വിദ്യാഭ്യാസം
മണിമല സെന്റ് ജോര്ജില് സ്കൂള് വിദ്യാഭ്യാസം. പത്താം ക്ലാസില് 42% മാര്ക്കില് വിജയം. ഷില്ലോങ്ങില് ഡിഗ്രി, ദല്ഹി സര്വ്വകലാശാലയില് ഇക്കണോമിക്സില് എംഎ. സിവില് സര്വീസ് പരീക്ഷയില് എട്ടാം റാങ്കോടെ വിജയം. പില്ക്കാലത്ത് അഭിഭാഷകനായി.
ഔദ്യോഗികം
1979 ബാച്ച് കേരള കേഡര് ഐഎഎസ് ഉദ്യോഗസ്ഥന്. ദേവികുളം സബ് കളക്ടറായി തുടക്കം. മില്ക്ക് ഫെഡറേഷന് എംഡി, കോട്ടയം ജില്ലാ കളക്ടര്, ദല്ഹി ഡെവലപ്മെന്റ് അതോറിറ്റി ചെയര്മാന്, കേരള ട്രാന്സ്പോര്ട്ട് കമ്മീഷണര്, എന്ട്രന്സ് കമ്മീഷണര്, ലാന്ഡ് റവന്യൂ കമ്മീഷണര് പദവികളില്.
രാഷ്ട്രീയം
സിവില് സര്വീസില് ശ്രദ്ധേയ പദവികളില് പ്രവര്ത്തിച്ചുകൊണ്ടിരിക്കെ ലാന്ഡ് റവന്യൂ കമ്മീഷണര് സ്ഥാനം രാജിവെച്ച് സജീവ രാഷ്ട്രീയത്തിലേക്ക്. 2006-ല് കോട്ടയം കാഞ്ഞിരപ്പള്ളിയില് നിന്ന് സിപിഎം പിന്തുണയോടെ നിയമസഭയിലെത്തി. 2011-ലാണ് അല്ഫോണ്സ് സിപിഎം ബന്ധം വിട്ട് ബിജെപിയില് ചേരുന്നത്.
2017 ല് രാജസ്ഥാനില്നിന്ന് ബിജെപിയുടെ അംഗമായി രാജ്യസഭയിലെത്തി. എന്ഡിഎ സര്ക്കാരില് മന്ത്രിയാകുന്ന മൂന്നാമത്തെ മലയാളിയും, മോദി മന്ത്രിസഭയിലെ ആദ്യ മലയാളിയുമാണ്. കേന്ദ്ര ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി സഹമന്ത്രി ടൂറിസം വകുപ്പ് സ്വതന്ത്ര ചുമതലയുള്ള സഹമന്ത്രി എന്നീ നിലകളില് ശ്രദ്ധേയനായി.
പ്രതികരിക്കാൻ ഇവിടെ എഴുതുക: