എറണാകുളം ചരാനെല്ലൂരില് ബി.ആര്. നാരായണപിള്ളയുടെയും, പങ്കജാക്ഷിയുടെയും മകനായി 1960 ജനുവരി 15 ന് ജനനം.
രാഷ്ട്രീയം
പതിനാലാം വയസില് അടിയന്തരാവസ്ഥക്കെതിരെ ലോക് സംഘര്ഷസമിതിയുടെയും, ആര്എസ്എസിന്റെയും നേതൃത്വത്തില് നടന്ന സത്യാഗ്രഹ സമരത്തില് പങ്കെടുത്ത് പോലീസ് മര്ദ്ദനത്തിന് ഇരയായി. സംസ്ഥാനത്തെ ഏറ്റവും പ്രായം കുറഞ്ഞ സത്യാഗ്രഹിയായി മാറിയ രാധാകൃഷ്ണന് അതോടെ പഠനത്തോടൊപ്പം രാഷ്ട്രീയത്തിലും സജീവമായി. ബിരുദം പൂര്ത്തിയാക്കി.
ചുമതലകള്
ആര്എസ്എസിന്റെ മുഴുവന് സമയ പ്രവര്ത്തകനായി കണ്ണൂര് ജില്ലയില് പ്രവര്ത്തിച്ചു. 1986ല് ക്ഷേത്ര പ്രവേശന വിളംബരത്തിന്റെ സുവര്ണ ജൂബിലി സംസ്ഥാന വിളംബര ജാഥാ ക്യാപ്റ്റനായി. എല്.കെ. അദ്വാനിയുടെ കേരളത്തിലെ യാത്രകളുടെ പ്രധാന സംഘാടകരില് ഒരാളായി. യുവമോര്ച്ച സംസ്ഥാന വൈസ് പ്രസിഡന്റ്, സംസ്ഥാന ജനറല് സെക്രട്ടറി, ബിജെപി എറണാകുളം ജില്ലാ പ്രസിഡന്റ്, എറണാകുളം മേഖലാ പ്രസിഡന്റ്, സംസ്ഥാന സെക്രട്ടറി, സംസ്ഥാന ജനറല് സെക്രട്ടറി, ദേശീയ കൗണ്സില് മെംബര് തുടങ്ങിയ ചുമതലകള് വഹിച്ചു.
മത്സരം
1996ല് തൃപ്പൂണിത്തുറ അസംബ്ലി മണ്ഡലത്തിലും 2009 ലും 2014 ലും എറണാകുളം ലോക്സഭാ മണ്ഡലത്തിലും 2016ല് മണലൂര് അസംബ്ലി മണ്ഡലത്തിലും മത്സരിച്ചിട്ടുണ്ട്. 2016 നിയമസഭാ തെരഞ്ഞെടുപ്പില് കൈപ്പമംഗലം നിയോജക മണ്ഡലത്തില് നിന്ന് ജനവിധി തേടി.
ആനുകാലികം
ശബരിമല വിഷയത്തില് വിശ്വാസ സംരക്ഷണത്തിന് സമര രംഗത്തിറങ്ങിയ രാധാകൃഷ്ണന് സെക്രട്ടറിയറ്റിനു മുന്നില് പത്തുദിവസം നിരാഹാര സത്യാഗ്രഹം അനുഷ്ഠിച്ചിരുന്നു. ഐടിഎഫ്സി ഇവന്റ് മാനേജ്മെന്റ് കമ്പനിയുടെ ഡയറക്ടര് കൂടിയാണ് രാധാകൃഷ്ണന്. ഭാര്യ അംബികാ രാധാകൃഷ്ണന്. മകള് അഭിരാമി രാധാകൃഷ്ണന് വിദ്യാര്ഥിയാണ്.
പ്രതികരിക്കാൻ ഇവിടെ എഴുതുക: