ന്യൂദല്ഹി: ലോക്സഭാ തെരഞ്ഞെടുപ്പിനു മുന്നോടിയായി സിആര്പിഎഫ് മുന് മേധാവി ബിജെപിയില് ചേര്ന്നു. പ്രകാശ് മിശ്രയാണ് ഞായറാഴ്ച ബിജെപിയില് ചേര്ന്നത്. രാജ്യസുരക്ഷയില് പ്രധാനമന്ത്രി നരേന്ദ്ര മോദി വലിയ ശ്രദ്ധ കൊടുത്തിരുന്നുവെന്നും പ്രകാശ് മിശ്ര പറഞ്ഞു.
ഏതെങ്കിലും ഒരു അപകടമുണ്ടായാല് പ്രധാനമന്ത്രി ആശങ്ക പ്രകടിപ്പിക്കും. അത് എങ്ങനെയാണ് സംഭവിച്ചതെന്നും എത് വിധത്തില് അത് തടയാമെന്നും അദ്ദേഹം അന്വേഷിക്കുമെന്നും പ്രകാശ് പറഞ്ഞു.
പുല്വാമ ആക്രമണത്തില് രാജ്യത്തിന്റെ പ്രതികരണം വളരെ ഉയര്ന്ന നിലവാരത്തിലായിരുന്നുവെന്നും കട്ടക്കിലെ ലോക്സഭാ മണ്ഡലത്തില്നിന്നു ജനവിധി തേടുമെന്നും പ്രകാശ് കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: