തിരുവല്ല: രാഹുലിന്റെ സ്ഥാനാര്ത്ഥിത്വം ആനയുടെ പ്രസവം പോലെയാണെന്ന് എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്റെ പരിഹാസം. വയനാട്ടില് വരും വരും എന്ന് പറയുന്നതല്ലാതെ രാഹുല് ഗാന്ധിയുടെ വരവില് തീരുമാനം ആകുന്നില്ല. പുലി വരുന്നു വരുന്നു എന്ന് പറഞ്ഞ് പുലി വന്നില്ലെന്നും വെള്ളാപ്പള്ളി അറിയിച്ചു.
അതേസമയം എല്ലാ മുന്നണികളും സ്ഥാനാര്ത്ഥികളെ പ്രഖ്യാപിച്ച ശേഷം എസ്എന്ഡിപിയുടെ രാഷ്ട്രീയ നിലപാട് വ്യക്തമാക്കുമെന്നും വെള്ളാപ്പള്ളി നടേശന് പറഞ്ഞു.
മത്സരിക്കുകയാണെങ്കില് എസ്എന്ഡിപി ഭാരവാഹിത്വം രാജി വയ്ക്കുമെന്ന തുഷാര് വെള്ളാപ്പള്ളിയുടെ നിലപാട് അച്ചടക്കമുള്ള സംഘടന പ്രവര്ത്തകന്റെ ലക്ഷണമാണെന്നും വെള്ളാപ്പള്ളി കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: