ഭീമനടി: പരിഭവങ്ങളുടെ കെട്ടഴിച്ചുകൊണ്ടാണ് പയ്യന്നൂര് ഖാദിയുടെ ഭീമനടി ഖാദി ഉല്പ്പാദക കേന്ദ്രത്തിലെ സ്ത്രീ തൊഴിലാളികള് രവീശതന്ത്രി കുണ്ടാറിനെ സ്വീകരിച്ചത്. എന്ഡിഎ സ്ഥാനാര്ത്ഥി തെരഞ്ഞെടുപ്പ് പര്യടനത്തിന്റെ ഭാഗമായി വോട്ടഭ്യര്ത്ഥനയുമായി എത്തിയപ്പോഴാണ് സ്ത്രീ തൊഴിലാളികള് അവരുടെ യാതനയുടെ കെട്ടഴിച്ചത്. കഴിഞ്ഞ തെരഞ്ഞെടുപ്പുകളിലെല്ലാം വിജയിച്ച സ്ഥാനാര്ത്ഥികള് പര്യടന സമയത്ത് വാഗ്ദാനങ്ങള് നല്കി പോയതല്ലാതെ പിന്നീട് തങ്ങളെ തിരിഞ്ഞു നോക്കിയില്ലെന്ന് അവര് പറഞ്ഞു. അസഹ്യമായ ചൂടും സഹിച്ച് സാമ്പത്തിക പരാധീനതകള്ക്ക് നടുവിലിരുന്ന് ജീവിതത്തിന്റെ രണ്ടറ്റം കൂട്ടിമുട്ടിക്കാന് പാടുപെടുകയാണ് തങ്ങളെന്ന് നിറകണ്ണുകളോടെയാണ് അവര് പറഞ്ഞത്. ഉല്പാദക കേന്ദ്രത്തിന് ആവശ്യമായ അടിസ്ഥാന സൗകര്യങ്ങളുടെ അപര്യാപ്തതയും, വരുമാന കുറവും എന്ഡിഎ സ്ഥാനാര്ത്ഥിയുമായി അവര് പങ്കുവെച്ചു.
പ്രതികരിക്കാൻ ഇവിടെ എഴുതുക: