തിരുവനന്തപുരം: തിരുവനന്തപുരം ലോകസഭാ മണ്ഡലത്തിലെ എന്ഡിഎ സ്ഥാനാര്ത്ഥി കുമ്മനം രാജശേഖരന് നാളെ നാമനിര്ദ്ദേശ പത്രിക സമര്പ്പിക്കും. ഉച്ചയ്ക്ക് 11 മണിക്കും 12 മണിക്കുമിടയിലാണ് പത്രികാ സമര്പ്പണം.
ഹരിവരാസനം രചിച്ച കൊന്നനാകത്ത് ജാനകിയമ്മയുടെ മകള് ബാലാമണിയമ്മയാണ് കുമ്മനത്തിന് കെട്ടി വെക്കാനുള്ള പണം നല്കുന്നത്. ദേവസ്വം ബോര്ഡ് പ്രസിഡന്റ് പത്മകുമാറിന്റെ അടുത്ത ബന്ധുവാണ് ബാലാമണിയമ്മ. ശബരിമല മുന് മേല്ശാന്തി ഗോശാല വിഷ്ണു വാസുദേവനാണ് പത്രികയില് സാക്ഷിയായി ഒപ്പിടുന്നത്
കവടിയാര് വിവേകാനന്ദ പ്രതിമയ്ക്ക് മുന്നില് നിന്ന് നൂറുകണക്കിന് വാഹനങ്ങളുടെയും പ്രവര്ത്തകരുടെയും അകമ്പടിയോടെ പ്രകടനമായാണ് പത്രിക സമര്പ്പിക്കാന് സ്ഥാനാര്ത്ഥി എത്തുന്നത്.
പ്രതികരിക്കാൻ ഇവിടെ എഴുതുക: