ആലുവ: ഇന്നലെ റിലീസായ മോഹന്ലാല്ചിത്രം ലൂസിഫര് ലാലേട്ടന്റെ ആരാധകര്ക്കൊപ്പം കാണാന് ചാലക്കുടി മണ്ഡലത്തിലെ എന് ഡി എ സ്ഥാനാര്ഥി എ എന് രാധാകൃഷ്ണനും. ആലുവ മാതാ മാധുര്യ തിയേറ്ററില് രാവിലെ 7.30നു സ്പെഷല് ഫാന്സ് ഷോയ്ക്കാണ് മോഹന്ലാലിന്റേയും ആരാധകനായ രാധാകൃഷ്ണനെത്തിയത്.
മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫര് നന്നായിട്ടുണ്ടെന്ന സ്ഥാനാര്ഥിയുടെ കമന്റ് ഹര്ഷാരവത്തോടെയാണ് ലാലേട്ടന് ഫാന്സ് സ്വീകരിച്ചത്.തുടര്ന്ന് എല്ലാവരോടും വോട്ട് അഭ്യര്ത്ഥിച്ച രാധാകൃഷ്ണന് പ്രചാരണത്തിന്റെ തിരക്കിലേക്കിറങ്ങി. ആലുവയിലെ സ്വകാര്യ സന്ദര്ശനങ്ങള്ക്കുശേഷം പെരുമ്പാവൂര് നിയോജക മണ്ഡലത്തിലേക്ക്.
പെരുമ്പാവൂര് കോടതി സമുച്ചയത്തിലെത്തിയ സ്ഥാനാര്ഥി മജിസ്ട്രേറ്റിനെ വന്ദിച്ച് അഭിഭാഷകരെയും ജീവനക്കാരെയും കണ്ട് കുശലാന്വേഷണം നടത്തി.പ്രമുഖ പരിസ്ഥിതി പ്രവര്ത്തകന് വര്ഗീസ് പുല്ലുവഴിയെയും ഇരവിച്ചിറ സ്വതന്ത്ര നായര് കരയോഗം പ്രസിഡന്റ് സുനിലിനെയും വീട്ടില് സന്ദര്ശിച്ച് സൗഹൃദം പങ്കിട്ടു. പിന്നീട് പുല്ലുവഴിയിലെ സ്നേഹാലയം അനാഥമന്ദിരത്തിലെത്തി ക്ഷേമം ആരാഞ്ഞു കുറച്ചുനേരം കുട്ടികള്ക്കൊപ്പം ചെലവിട്ടു.
തൊണ്ണൂറോളം കുട്ടികള് അന്തേവാസികളായുള്ള മന്ദിരത്തിന്റെ ചുമതലയുള്ള കന്യാസ്ത്രീകള് സ്ഥാനാര്ത്ഥിയെ സ്വീകരിച്ചു.എസ് എന് ഡി പി യോഗം കുന്നത്തുനാട് യൂണിയന് പ്രസിഡന്റ് കെ കെ കര്ണനുമായും കൂടിക്കാഴ്ച നടത്തി. ബി ജെ പി നേതാക്കളായ രേണു സുരേഷ്,ബാബു കരിയാട്,പ്രകാശ് ജയറാം,അഡ്വ കെ സി മുരളീധരന്,അജില്കുമാര് മനയത്ത്,പി അനില്,അമ്പാടി ജലജന്,അഡ്വ ഗോപകുമാര് എന്നിവര് സ്ഥാനാര്ഥിക്കൊപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: