കോഴിക്കോട് : തെരഞ്ഞെടുപ്പ് പ്രചാരണത്തിനിടെ വടകരയിലെ യുഡിഎഫ് സ്ഥാനാര്ഥി കെ.മുരളീധരന് സ്റ്റേജ് തകര്ന്ന് വീണു. കുറ്റ്യാടി ചെറിയ കുമ്പളത്ത് തെരഞ്ഞെടുപ്പ് പ്രചാരണത്തിനോട് അനുബന്ധിച്ച് പ്രവര്ത്തകര് മാലയിട്ട് സ്വീകരിക്കുന്നതിനിടയിലാണ് സ്റ്റേജ് തകര്ന്ന് വീഴുകയായിരുന്നു.
സ്റ്റേജ് തകര്ന്ന് വീണതോടെ പ്രവര്ത്തകര്ക്കൊപ്പം മുരളീധരനും താഴെ വീണു. അടിപതറിയിട്ടും അതൊന്നും കൂസാതെ സ്വത സിദ്ധമായ ശൈലിയില് തന്നെ മുരളീധരന് പ്രസംഗിച്ചു. ഏത് പ്രതിസന്ധിയുണ്ടായാലും അതിനെയല്ലാം അതിജീവിക്കാന് കഴിയുമെന്നും, സ്റ്റേജ് പൊട്ടിവീണിട്ടും ഒരാപത്തും ഉണ്ടായിട്ടില്ല.
ബോംബേറൊന്നും നമ്മുടെ പ്രവര്ത്തനത്തെ ബാധിക്കാന് പോവില്ലെന്നും ചിരിച്ചുകൊണ്ട് മുരളീധരന് കൂട്ടിച്ചേര്ത്തു. എന്തായാലും മുരളീധരന് സ്റ്റേജ് തകര്ന്ന് വീഴുന്ന ദൃശ്യങ്ങള്ക്കിപ്പോള് സമൂഹ മാധ്യമങ്ങളില് വന് പ്രചാരമാണ്.
പ്രതികരിക്കാൻ ഇവിടെ എഴുതുക: