കാസര്കോട്: തെരഞ്ഞെടുപ്പ് പ്രചാരണത്തിനിടെ ശബരിമല വിഷയത്തില് വിവാദ പരാമര്ശം നടത്തിയെന്ന് ആരോപിച്ച് കാസര്കോട് മണ്ഡലത്തിലെ യുഡിഎഫ് സ്ഥാനാര്ത്ഥി രാജ്മോഹനെതിരെ പരാതി. പയ്യന്നൂര് അരവഞ്ചാലിലാണ് ഏപ്രില് എട്ടിന് ഉണ്ണിത്താന് നടത്തിയ പ്രസംഗം വര്ഗീയ ചേരിതിരിവുണ്ടാക്കുന്നതാണെന്ന് ചൂണ്ടിക്കാട്ടിയാണ് പരാതി നല്കിയിരിക്കുന്നത്.
എല്ഡിഎഫ് കാസര്കോട് മണ്ഡലം സെക്രട്ടറി ടി.വി. രാജേഷ് എംഎല്എയാണ് മുഖ്യ വരണാധികാരി കളക്ടര് ഡോ. ഡി സജിത്ത് ബാബുവിന് ഇത് സംബന്ധിച്ച് പരാതി നല്കിയത്. ശബരിമല വിധിയുമായി ബന്ധപ്പെട്ട് സുപ്രീംകോടതിയെ അവഹേളിക്കുകയും മതവികാരം ഇളക്കി വിടുകയും ചെയ്യുന്ന പ്രസംഗം നടത്തിയെന്നാണ് പരാതി.
എല്ഡിഎഫ് സര്ക്കാര് വിശ്വാസികള്ക്കെതിരാണെന്നും പ്രസംഗത്തില് പറയുന്നുണ്ടെന്ന് പരാതിയില് പറയുന്നു. പ്രസംഗത്തിന്റെ വീഡിയോ ക്ലിപ്പിങ്ങും പരാതിക്കൊപ്പം സമര്പ്പിച്ചിട്ടുണ്ട്. തിരഞ്ഞെടുപ്പ് പെരുമാറ്റച്ചട്ടം ലംഘിച്ച യുഡിഎഫ് സ്ഥാനാര്ത്ഥി ഉണ്ണിത്താനെതിരെ നടപടിയെടുക്കണമെന്ന് ടി.വി. രാജേഷ് ആവശ്യപ്പെട്ടിട്ടുണ്ട്. പരാതി ജില്ലാ കളക്ടര് തിരഞ്ഞെടുപ്പ് സ്ക്രീനിങ് കമ്മിറ്റിക്ക് കൈമാറി.
പ്രതികരിക്കാൻ ഇവിടെ എഴുതുക: