കണ്ണൂർ: കള്ളവോട്ട് ദൃശ്യങ്ങൾ പുറത്തുവിട്ടതിന് വയൽക്കിളി നേതാവ് സുരേഷ് കീഴാറ്റുരിനെതിരെ സിപിഎം ആക്രമണം. വീടിന് മുന്നിലെത്തിയ സിപിഎം പ്രവര്ത്തകരും സുരേഷും തമ്മില് വാക്കേറ്റമുണ്ടായി. രണ്ട് സ്ത്രീകളടക്കം ആറോളം പേര് വീട്ടിനകത്ത് കയറി ഭാര്യയുമായി വാക്കേറ്റത്തിലേര്പ്പെടുകയും, തുടര്ന്ന് ഉന്തും തള്ളും ഉണ്ടായതായും സുരേഷ് വെളിപ്പെടുത്തി.
സംഘര്ഷത്തിനിടെ ദേഹാസ്വാസ്ഥ്യം അനുഭവപ്പെട്ട സുരേഷിന്റെ ഭാര്യയെ ആശുപത്രിയിൽ പ്രവേശിപ്പിച്ചു. കീഴാറ്റൂര് എല്പി സ്കൂളിലെ 102ാം ബൂത്തില് വ്യാപകമായി കള്ളവോട്ട് നടക്കുന്നതായി സുരേഷ് ഫേസ്ബുക്കില് വീഡിയോ പോസ്റ്റ് ചെയ്തിരുന്നു. ഇതാണ് സിപിഎമ്മിനെ അക്രമത്തിന് പ്രേരിപ്പിച്ചത്. അറുപത് കള്ളവോട്ടുകളുടെ ദൃശ്യങ്ങളുണ്ടെന്ന് അവകാശപ്പെട്ടായിരുന്നു സുരേഷിന്റെ കുറിപ്പ്.
തെരഞ്ഞെടുപ്പ് കമ്മീഷന്റെ ക്യാമറയിലെ ദൃശ്യങ്ങളിൽ കള്ളവോട്ട് വ്യക്തമാണെന്നും സുരേഷ് കീഴാറ്റൂർ ഫേസ്ബുക്ക് പോസ്റ്റിൽ പറയുന്നുണ്ട്. പോസ്റ്റ് വ്യാപകമായി ചര്ച്ച ചെയ്യപ്പെട്ടതോടെ സിപിഎം പ്രവര്ത്തകര് പ്രതിഷേധവുമായി സുരേഷിന്റെ വീടിന് മുന്നിലെത്തുകയായിരുന്നു. സംഘർഷത്തിൽ വീടിന്റെ ജനൽ ചില്ലുകൾ തകർന്നുവീണു.
പ്രതികരിക്കാൻ ഇവിടെ എഴുതുക: