മുംബൈ : സാധ്വി പ്രഗ്യയെ തെരഞ്ഞെടുപ്പില് മത്സരിക്കുന്നതില് നിന്ന് തടയാനാവില്ലെന്ന് കോടതി. മാലെഗാവ് സ്ഫോടനക്കേസില് ആരോപണവിധേയയായ സാധ്വി തെരഞ്ഞെടുപ്പില് മത്സരിക്കുന്നതിനെതിരെ സ്ഫോടനത്തില് കൊല്ലപ്പെട്ട സയ്യദ് അഹമ്മദ് എന്നയാളുടെ പിതാവാണ് എന്ഐഎ പ്രത്യേക കോടതിയെ സമീപിച്ചത്. വിചാരണ ഇപ്പോഴും തുടരുന്ന കേസില് ഉള്പ്പെട്ട ആള് തെരഞ്ഞെടുപ്പില് മത്സരിക്കുന്നത് തടയണമെന്നാവശ്യപ്പെട്ടായിരുന്നു പരാതി.
എന്നാല് ഒരാളെ തെരഞ്ഞെടുപ്പില് മത്സരിക്കുന്നതില് നിന്ന് വിലക്കാന് തങ്ങള്ക്ക് അധികാരമില്ലെന്ന് വ്യക്തമാക്കിയ കോടതി ഇലക്ഷന് കമ്മീഷനാണ് ഇക്കാര്യത്തില് തീരുമാനമെടുക്കേണ്ടതെന്ന് അറിയിച്ച് പരാതി തള്ളുകയായിരുന്നു. നടന്നു കൊണ്ടിരിക്കുന്ന തെരഞ്ഞെടുപ്പില് മത്സരിക്കുന്നതില് നിന്ന് ആരെയെങ്കിലും വിലക്കാനുള്ള നിയമപരമായ അധികാരം കോടതിക്കില്ല എന്നറിയിച്ചു കൊണ്ടാണ് പരാതി തള്ളിയത്.
പ്രതികരിക്കാൻ ഇവിടെ എഴുതുക: